ପୁରୀ କାକଟପୁର ଦେବୀ ନଦୀରେ ଅଘଟଣ, ନଦୀରେ ଭାସିଗଲା ଛାତ୍ର

ପୁରୀ କାକଟପୁର ଦେବୀନଦୀର ବାଉରୀଆକଣ ଠାରେ ଅଘଟଣ । ଦେବୀନଦୀରେ ଭାସିଗଲା ନାବାଳକ। ନିଖୋଜ ଭାସିଗଲା ନାବାଳକକୁ ଖୋଜୁଛି ଅଗ୍ନିଶମ ବାହିନୀ । ଅଧିକ ପଢ଼ନ୍ତୁ

କାକାଟପୁର: ନଦୀରେ ଗାଧୋଇବା ହେଲା କାଳ । ଗାଧୋଇବା ସମୟରେ ଗୋଡ଼ ଖସିଯିବାରୁ ନଦୀରେ ଭାସିଗଲା ନାବାଳକ । ପୁରୀ କାକଟପୁର ଦେବୀନଦୀର ବାଉରୀଆକଣ ଠାରେ ଅଘଟଣ । 4 ଜଣ ଛାତ୍ର ଗାଧେଇଲା ବେଳେ ଜଣେ ନିଖୋଜ। ପ୍ରାୟ ୮ଘଣ୍ଟା ଖୋଜାଖୋଜି ପରେବି ମିଳିଲା ନାହିଁ ଛାତ୍ରର ପତ୍ତା । ଯାହାକୁ ନେଇ ଚିନ୍ତାରେ ଗ୍ରାମବାସୀ ଓ ଅଗ୍ନିଶମ ବିଭାଗ ।

ସୂଚନା ଅନୁଯାୟୀ ନିଖୋଜ ଛାତ୍ର ଲତାହରଣ ବସ୍ତିର ରଜିପୁର ଗାଁର ଏସ.କେ ଦାନୀତ । ତେବେ ସାଙ୍ଗମାନଙ୍କ ସହ ଦେବୀ ନଦୀର ବାଉରିଆକଣ ଘାଟରେ ଗାଧୋଉଥିବା ବେଳେ ନିଖୋଜ ହୋଇଯାଇଥିବା ସୂଚନା ମିଳିଛି । ୪ ଜଣ ସାଙ୍ଗ ଗାଧୋଇବାକୁ ଯାଇଥିବା ବେଳେ ଜଣେ ଛାତ୍ର ନଦୀରେ ନିଖୋଜ ହୋଇଥିଲେ। ନିଖୋଜ ଛାତ୍ରଙ୍କ ବୟସ ୧୪ ବର୍ଷ ହୋଇଥିବା ବେଳେ ସ୍ଥାନୀୟ ଜନସାଧାରଣ ଓ ଅସ୍ତରଙ୍ଗ ଅଗ୍ନିଶମ ବିଭାଗ ପକ୍ଷରୁ ଖୋଜାଖୋଜି ଜାରି ରହିଛି ।

ଖବର ପାଇବା ପରେ ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ନିଖୋଜ ହେବା ୮ଘଣ୍ଟା ବିତିଯାଇଥିଲେ ମଧ୍ୟ ଛାତ୍ରର କୈଣସି ପତ୍ତା ମିଳି ନାହିଁ । ଘଟଣାସ୍ଥଳରେ କାକଟପୁର ପୋଲିସ ସହ ଅଗ୍ନିଶମ ବିଭାଗର ଟିମ୍ ପହଞ୍ଚି ଖୋଜାଖୋଜି ଜାରି ରଖିଛନ୍ତି । ଛାତ୍ରଟି ଗାଧେଇବା ବେଳେ ଗୋଡଖସି ଯାଇ ଥିବାରୁ ପାଣିରେ ବୁଡ଼ି ଯାଇ ଥିବା ସନ୍ଦେହ କରାଯାଉଛି ।

ତେବେ ଅଗ୍ନିଶମ ବାହିନୀର ଉଦ୍ଧାର ପ୍ରକ୍ରିୟାକୁ ନେଇ ଅସନ୍ତୋଷ ସୃଷ୍ଟି ହୋଇଛି । ଖୋଜିବା ପାଇଁ ଆବଶ୍ୟକ ଯନ୍ତ୍ର, ମେସିନ ନାଥିବା କାରଣରୁ ଖୋଜିବାରେ ବିଳମ୍ୱ ହେଉଥିବା ଅଭିଯୋଗ ହୋଇଛି । ତୁରନ୍ତ ପ୍ରଶାସନ ଓଡରାଫ୍ ବାହିନୀ ଅଥବା ସ୍କୁବା ଡାଇଭରଙ୍କୁ ଡାକି ଉଦ୍ଧାର କାର୍ଯ୍ୟକୁ ଜୋରଦାର କରିବକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି । ତେବେ ଦେବୀନଦୀ ପ୍ରବଳ ଗଭୀର ହୋଇଥିବା ଫଳରେ ଘଟଣା ଅଗ୍ନିଶମ ବାହିନୀକୁ ଉଦ୍ଧାର କରିବାରେ ସମସ୍ଯା ହେଉଥିବା ଅଗ୍ନିଶମ ବାହିନୀର କର୍ମକର୍ତ୍ତା ସୂଚନା ଦେଇଛନ୍ତି । ଅଗ୍ନିଶମ ବାହିନୀ ପକ୍ଷରୁ ବର୍ତ୍ତମାନ ସୁଦ୍ଧା ବିଭିନ୍ନ ସ୍ଥାନରେ ଉଦ୍ଧାର କାର୍ଯ୍ୟ ଜାରି ରହିଛି ।

ଇଟିଭି ଭାରତ, କାକାଟପୁର