ବାଇକ ଧକ୍କାରେ ହବିଷ୍ୟାଳି ଆହତ

ମନ୍ଦିରରୁ ଦର୍ଶନ ସାରି ଫେରୁଥିବାବେଳେ ଜଣେ ହବିଷ୍ୟାଳିଙ୍କ ଦୁର୍ଘଟଣା । ପଛ ପଟୁ ବାଇକ ଧକ୍କା ଦେବା ଦ୍ବାରା ତାଙ୍କ ମୁଣ୍ଡରେ ଆଘାତ ଲାଗିଛି ।

ପୁରୀ: ବାଇକ ଧକ୍କାରେ ଜଣେ ହବିଷ୍ୟାଳି ଆହତ । ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ ପଛପଟୁ ଧକ୍କା ଦେଇଥିଲା ବାଇକ । ପୁରୀ ଟାଉନ ଥାନା ନିକଟରେ ଘଟଣାଟି ଘଟିଥିବାବେଳେ ଆହତ ହବିଷ୍ୟାଳି ଜଣକ ହେଲେ ଉତ୍ତମ ବେୱା ।

ଉତ୍ତମଙ୍କ ମୁଣ୍ଡରେ ଆଘାତ ଲାଗିଥିବାବେଳେ ତାଙ୍କୁ ତୁରନ୍ତ ପୁରୀ ବଡ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଛି । ହବିଷ୍ୟାଳି ଜଣକ ନରେନ୍ଦ୍ର କୋଣ ହବିଷ୍ୟାଳ ଶିବିରରେ ରହୁଛନ୍ତି । ତେବେ ତାଙ୍କ ଘର ନୟାଗଡ ଜିଲ୍ଲା ଗୋବିନ୍ଦପୁର ଗାଁର ବୋଲି ଜଣାପଡିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ