ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ, ଛତୁ ମଞ୍ଜି ଉତ୍ପାଦନ କେନ୍ଦ୍ର ଜଳି ପୋଡି ପାଉଁଶ

ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ । ପୁରୀ ର ପିପିଲି ଥାନା ଅନ୍ତର୍ଗତ ସୁହାଗପୁର ଗ୍ରାମରେ ଗ୍ୟାସ ସିଲିଣ୍ଡର ଫାଟି ଭୟାନକ ଅଗ୍ନିକାଣ୍ଡ ଘଟିଛି । ଏଥିରେ କାହାରି ଜୀବନ ହାନି ହୋଇ ନଥିବା ଜଣାପଡିଛି । ସୁହାଗପୁର ଗ୍ରାମର ଲଷ୍ମଣ ବସ୍ତିଆଙ୍କ 9 ବଖରା ଘର ସହିତ ଛତୁ ମଞ୍ଜି ଉତ୍ପାଦନ କେନ୍ଦ୍ର ସମ୍ପୂର୍ଣ୍ଣ ଜଳିପୋଡି ପାଉଁଶ ହୋଇଯାଇଛି ।

ପୁରୀ: ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ । ପୁରୀ ର ପିପିଲି ଥାନା ଅନ୍ତର୍ଗତ ସୁହାଗପୁର ଗ୍ରାମରେ ଗ୍ୟାସ ସିଲିଣ୍ଡର ଫାଟି ଭୟାନକ ଅଗ୍ନିକାଣ୍ଡ ଘଟିଛି । ଏଥିରେ କାହାରି ଜୀବନ ହାନି ହୋଇ ନଥିବା ଜଣାପଡିଛି । ପିପିଲି ଅଗ୍ନିଶମ ବିଭାଗର କର୍ମଚାରୀ ମାନେ ନିଆଁକୁ ଆୟତ୍ତ କରିଛନ୍ତି ।

ସେପଟେ ଅଗ୍ନିକାଣ୍ଡର ଭୟାବହତା ପ୍ରବଳ ଥିବାରୁ ସମସ୍ତ ଜିନିଷ ପତ୍ର ପୋଡି ପାଉଁଶ ହୋଇ ଯାଇଛି। ଗ୍ୟାସ ସିଲିଣ୍ଡର ବିସ୍ଫୋରଣ ଯୋଗୁଁ ନିଆଁ ଲାଗିଥିବା ବେଳେ ସୁହାଗପୁର ଗ୍ରାମର ଲଷ୍ମଣ ବସ୍ତିଆଙ୍କ 9 ବଖରା ଘର ସହିତ ଛତୁ ମଞ୍ଜି ଉତ୍ପାଦନ କେନ୍ଦ୍ର ସମ୍ପୂର୍ଣ୍ଣ ଜଳିପୋଡି ପାଉଁଶ ହୋଇଯାଇଛି ।

ଘରର ବିଭିନ୍ନ ଅସବାବପତ୍ର ସହ 10,000 ହଜାର ଟଙ୍କା, ଆଲମିରା, ଖଟ, ଗ୍ୟାସ ସିଲିଣ୍ଡର ଇତ୍ୟାଦି ଜିନିଷ ପୋଡି ଯାଇଥିବା ବେଳେ ଛତୁମଞ୍ଜି ଉତ୍ପାଦନ କେନ୍ଦ୍ରରେ ଥିବା 3ଟି ମୋଟର, 3 ଟି ଅଟୋକ୍ଲେଭ ମେସିନ ଏବଂ ଉତ୍ପାଦିତ ଛତୁ ମଞ୍ଜି ଜଳିପୋଡ଼ି ଯିବା ହେତୁ ପ୍ରାୟ 10 ଲକ୍ଷ ଟଙ୍କାର କ୍ଷୟକ୍ଷତି ଘଟିଥିବା ସୂଚନା ମିଳିଛି ।

ପୁରୀ ରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ