ପୁରୀ: ରଥଯାତ୍ରା ପାଇଁ ପୁରୀରେ ଷଷ୍ଠ ପର୍ଯ୍ୟାୟ ରଥକାଠ ପହଁଚିଛି । ବୌଦ୍ଧ ବନଖଣ୍ଡ ମାଧପୁର ବନାଞ୍ଚଳ ଆଡେଣୀଗଡ଼ ସେକ୍ସନରୁ ଆସିଛି ୧୦୦ ଖଣ୍ଡ କାଠ । ୪୦ ଫୁଟିଆ ୬୧ ଖଣ୍ଡ ଧଉରା ଓ ୩୯ ଖଣ୍ଡ ଅସନ କାଠ ଆସି ପୁରୀରେ ପହଞ୍ଚିଛି ।
ବୌଦ୍ଧରୁ ଆସି ପହଞ୍ଚିଲା ପୁରୀରେ ଷଷ୍ଠ ପର୍ଯ୍ୟାୟ ରଥକାଠ
ବୌଦ୍ଧ ଏବଂ ନୟାଗଡ ବନଖଣ୍ଡରୁ ଷଷ୍ଠ ପର୍ଯ୍ୟାୟରେ ରଥକାଠ ବୋଝେଇ ଦୁଇଟି ଟ୍ରକ ପୁରୀ ରଥଖଳାରେ ଆସି ପହଞ୍ଚିଛି । ସେଥିରେ ମୋଟ ୫୦ ଖଣ୍ଡ କାଠ ଆସି ଥିବାବେଳେ ଏଥିରେ ୪୦ଫୁଟିଆ ଅସନ ୨୦ ଖଣ୍ଡ ଓ ଧଉରା ୩୦ ଖଣ୍ଡ କାଠ ରହିଛି । ପୂର୍ବରୁ ଦୁଇଟି ଟ୍ରକରେ ମଧ୍ୟ ୫୦ ଖଣ୍ଡ କାଠ ଆସିଥିଲା । ଚଳିତବର୍ଷ ରଥଯାତ୍ରା ପାଇଁ ମୋଟ ୮୬୫ ଖଣ୍ଡ କାଠ ଆବଶ୍ୟକ ଥିବାବେଳେ ପୂର୍ବ ବର୍ଷର ୬୯ ଖଣ୍ଡ କାଠ ବଳକା ରହିଛି । ତେଣୁ ଚଳିତ ରଥଯାତ୍ରା ପାଇଁ ୭୯୬ ଖଣ୍ଡ କାଠର ଆବଶ୍ୟକତା ରହିଛି ।