ଅନବସରର ଷଷ୍ଠ ଦିନ, ଆଜି ହେବ ମହାପ୍ରଭୁଙ୍କୁ ଓଷ ଲାଗି

ଆଜି ଅନବସରର 6ଷ୍ଠ ଦିନ । ଚାଲିଛି ଜ୍ବରାକ୍ରାନ୍ତ ଚତୁର୍ଦ୍ଧାମୂର୍ତ୍ତୀଙ୍କ ଗୁପ୍ତସେବା । ଆଜି 6ଷ୍ଠ ଦିନରେ ଲାଗି ହେବ ଫୁଲୁରି ତେଲ ସହ ଓଷ । ଅଧିକ ପଢନ୍ତୁ...

ପୁରୀ: ଅଣସର ଘରେ ଥିବା ମହାପ୍ରଭୁଙ୍କ ଚାଲିଛି ଗୁପ୍ତ ଉପଚାର । ଅନବସରର 6ଷ୍ଠ ଦିନରେ ଆଜି ମହାପ୍ରଭୁଙ୍କୁ ଓଷ ଲାଗି କରାଯିବ । ଏହି ସେବା ଆସନ୍ତା ୩ ଦିନ ଧରି ଚାଲିବ । ପରମ୍ପରା ଅନୁଯାୟୀ ଅନବସର ପଞ୍ଚମୀ ତିଥିରେ ଶ୍ରୀବିଗ୍ରହଙ୍କ ଶ୍ରୀଅଙ୍ଗରେ ଫୁଲୁରି ତେଲ ଲାଗି କରାଯାଇଥିଲା ।

ଫୁଲୁରୀ ତେଲ ଓ ଓଷ ଲାଗି ପରେ ଜ୍ବରରେ ପୀଡିତ ଥିବା ମହାପ୍ରଭୁ ସୁସ୍ଥ ହୋଇଥାନ୍ତି। ଶ୍ରୀମନ୍ଦିର ରାଜବୈଦ୍ୟଙ୍କ ପରାମର୍ଶ କ୍ରମେ ମହାପ୍ରଭୁଙ୍କ ଆୟୁର୍ବେଦ ପଦ୍ଧତିରେ ଚିକିତ୍ସା କରାଯାଇଥାଏ । ଘନ ଅନ୍ଧକାର ମଧ୍ୟରେ ମହାପ୍ରଭୁଙ୍କ ଏହି ଅନବସର ଗୁପ୍ତ ଚିକିତ୍ସା କରାଯାଇଥାଏ ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ