ପୁରୀ: ପଣ୍ଡ ହେଲା ଡକାୟତି ଯୋଜନା । ପୁରୀ ବଳିଆ ପଣ୍ଡା ପୋଲିସ ଡକାୟତି କରୁଥିବା ଅଭିଯୋଗରେ 5 ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ଠାରୁ ଏକ ଖଣ୍ଡା ଓ ବମ୍ ଜବତ କରିଛି ପୋଲିସ ।
ପୋଲିସ ଅନୁଯାୟୀ, ମଙ୍ଗଳବାର ରାତିରେ କିଛି ବ୍ୟକ୍ତି ହୋଟେଲ ଡ୍ରିମ ଲ୍ୟାଣ୍ଡ ପଛ ପଟେ ଥିବା ନିକାଞ୍ଚନ ସ୍ଥାନରେ ଅସ୍ତ୍ରଶସ୍ତ୍ର ଧରି ଏକାଠି ହୋଇ ଥିବା ବଳିଆପଣ୍ଡା ପୋଲିସ ପାଖରେ ଖବର ପହଞ୍ଚି ଥିଲା। ପରେ ଏକ ସ୍ୱତନ୍ତ୍ର ଟିମ ଉକ୍ତ ସ୍ଥାନରେ ଚଢ଼ାଉ କରି 5 ଜଣଙ୍କୁ ଧରିଥିଲା।
ଗିରଫ ଅଭିଯୁକ୍ତ ସ୍ଥାନୀୟ ଅଞ୍ଚଳରେ ଏକ ଡ଼କାୟତି ନେଇ ଉଦ୍ୟମ କରୁଥିବା ପୋଲିସ ଆଗରେ ସ୍ୱୀକାର କରିଛନ୍ତି। ଏ ନେଇ ମାମଲା ରୁଜୁ କରାଯାଇ ପୁରୀ ବଳିଆପଣ୍ଡା ବୁଢ଼ୀମା ସାହିର ବିଜୟ କୁମାର ପ୍ରଧାନ ଓ ତାର ସାଥି 4 ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗତ କିଛିଦିନ ହେବ ପୁରୀ ସହରରେ ରାତିରେ ଅନେକ ଡକାୟତି ହେଉଥିବାବେଳେ ପୋଲିସର ପାରିବାପଣିକୁ ବିଭିନ୍ନ ମହଲରୁ ସମାଲୋଚନା କରାଯାଇଛି।
ଏ ନେଇ ଜାଗୃତ ହୋଇ ପୁରୀ ପୋଲିସ ବିଭିନ୍ନ ସ୍ଥାନରେ ଚଢାଉ କରି ଡକାୟତଙ୍କୁ ଧରୁଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
