ବ୍ରହ୍ମଗିରି: ଚିଲିକା ମଝିରେ କୃଷ୍ଣପ୍ରସାଦ ବ୍ଲକ ଅଧିନ ବ୍ରହ୍ମପୁର ପଞ୍ଚାୟତର ବ୍ରହ୍ମପୁର ଗ୍ରାମ । ଏଠି ଘଟିଛି ଛୁଆ ଖେଳରୁ ଘଟିଛି ଅଭାବନୀୟ ଘଟଣା । ପିଲାଙ୍କ କଳିକୁ କେନ୍ଦ୍ର କରି ଗ୍ରାମବାସୀଙ୍କର କଙ୍ଗାରୁ କୋର୍ଟ ବସି ଭୋଇ ସମ୍ପ୍ରଦାୟର ପ୍ରାୟ 40 ପରିବାରକୁ ବାସନ୍ଦ କରାଯାଇଛି । ନିଆଁ, ପାଣି, ବଜାର ଏପରିକି ଘାଟ ସେମାନଙ୍କ ପାଇଁ ସବୁ ବନ୍ଦ।
ପିଲାଙ୍କ କଳି ପଡିଲା ଭାରି, ଗାଁରୁ ବାସନ୍ଦ ହେଲେ 40 ପରିବାର
ଚିଲିକା ମଝିରେ ବାସନ୍ଦ ହୋଇ ଗାଁରେ ଚଳିବା ସେମାନଙ୍କ ପାଇଁ କଷ୍ଟଦାୟକ ହୋଇପଡିଛି। ସମୂହ ନିଷ୍ପତି କ୍ରମେ 8 ଦିନ ତଳେ 40 ପରିବାରର ପ୍ରାୟ 200ରୁ ଉର୍ଦ୍ଧ୍ବ ଲୋକେ ପିଲାଛୁଆ ଧରି ଗ୍ରାମ ଛାଡି ଚିଲିକା ପାର ହୋଇ ଚାଲି ଚାଲି ଯାଉଥିଲେ । ଏହି ସମୟରେ ସାତପଡ଼ା ନାଥପୁର ଗ୍ରାମର ଜଣେ ସହୃଦୟ ବ୍ୟକ୍ତି ସେମାନଙ୍କୁ ରହିବା ପାଇଁ ଜାଗା ଖଣ୍ଡିଏ ଯୋଗାଇ ଦେଇଥିଲେ। ସେଠାରେ ସେମାନେ ଜରି ପାଲ ଟାଣି କୁଡୁଆ କରି ଖୋଲା ଆକାଶ ତଳେ ଖରା କାକରରେ ପଡିରହିଛନ୍ତି।