ପୁରୀ:ସୋମବାର କାକଟପୁର ପୋଲିସ 298 ଗ୍ରାମ ବ୍ରାଉନସୁଗାର ଜବତ କରିଛି । ଏହି ମାମଲାରେ ଜଣେ ଗିରଫ ହେବା ସହିତ ଜବତ ହୋଇଥିବା ବ୍ରାଉନ ସୁଗାରର ମୂଲ୍ୟ 30ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।
ପୁରୀ ପୋଲିସ ପକ୍ଷରୁ ବ୍ରାଉନ ସୁଗାର ବ୍ୟବସାୟୀଙ୍କ ଉପରେ କଡ୍ଡା ନଜର ରଖାଯାଇଛି । ସୋମବାର କାକଟପୁର ପୋଲିସ 298 ଗ୍ରାମ ବ୍ରାଉନସୁଗାର ଜବତ କରିଛି । ଏହି ମାମଲାରେ ମଙ୍ଗରାଜ ମହାନ୍ତି ନାମକ ଜଣେ ଯୁବକକୁ ପୋଲିସ ଗିରଫ କରିଛି । ଜବତ ବ୍ରାଉନସୁଗାରର ମୂଲ୍ୟ 30ଲକ୍ଷ ଟଙ୍କା ହେବ ବୋଲି ପୋଲିସ ଆକଳନ କରିଛି ।
ଏଥି ସହିତ ଅଭିଯୁକ୍ତଠାରୁ ଗୋଟିଏ ବାଇକ, ମୋବାଇଲ ପୋଲିସ ଜବତ କରିଛି । ମଙ୍ଗରାଜ ମହାନ୍ତି ଦୀର୍ଘ ଦିନ ହେବ କାକଟପୁର ଅଞ୍ଚଳରେ ବାଲେଶ୍ଵରରୁ ବ୍ରାଉନ ସୁଗାର ଆଣି ବିକ୍ରି କରୁଥିଲା । ତେବେ କାକଟପୁର ଅଞ୍ଚଳରେ ପୋଲିସ ପକ୍ଷରୁ ଗାଡି ଚେକିଂ ବେଳେ ଅଭିଯୁକ୍ତକୁ ପୋଲିସ ଧରିଥିଲା । ସେ କାକଟପୁର ଅଞ୍ଚଳରେ ବ୍ରାଉନସୁଗାର ବ୍ୟବସାୟ କରୁଥିବା ପୋଲିସ ପାଖରେ ସ୍ବୀକାର କରିଛି । ତେବେ ଗତ କିଛିଦିନ ହେବ କାକଟପୁର ଅଞ୍ଚଳରେ ବ୍ରାଉନ ସୁଗାର ବ୍ୟବସାୟ ବଢି ଚାଲିଛି । ଗତ ଏକ ସପ୍ତାହ ମଧ୍ୟରେ କାକଟପୁର ପୋଲିସ 7 ଜଣ ବ୍ରାଉନସୁଗାର ବ୍ୟବସାୟୀଙ୍କୁ ଗିରଫ କରିସାରି ଥିବା ସୂଚନା ମିଳିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
