ପୁରୀ: ରାଜ୍ୟରେ ବଢୁଛି ବେଆଇନ ଜିନିଷର ଚୋରା କାରବାର । ଚୋରା ଚାଲାଣକୁ ରୋକିବାରେ ପୁରୀ ପୋଲିସକୁ ସଫଳତା ମିଳିଛି । ପୁରୀ ଜିଲ୍ଲା ସମୁଦ୍ରକୂଳ ଥାନା ପୋଲିସ ଏକ କାର ଜବତ କରି 640 ବୋତଲ କଫ ସିରପ ଜବତ କରିଛି । ଘଟଣାରେ ପୋଲିସ ତିନି ଜଣଙ୍କୁ ଗିରଫ କରିଛି ।
ସୂଚନାନୁଯାୟୀ,ରବିବାର ସକାଳ 7 ଟାରେ ଏକ କାର ଯୋଗେ ବ୍ୟାନ ହୋଇଥିବା 4 ପେଟି କଫ ସିରପ ପେଣ୍ଠକଟାରୁ ଆଇଟିଆଇ ଛକ ଆଡେ ଆସୁଥିଲେ। ସି ବିଚ୍ ଥାନା ଏଏସଆଇ ବିଦ୍ୟୁତ କୁମାର ଦେହୁରୀ ଉକ୍ତ କାରକୁ ଅଟକାଇ ଯାଞ୍ଚ କରିବା ବେଳେ 4 ପେଟି କଫ ସିରପ ମିଳିଥିଲା । ଚାରୋଟି ପେଟିରେ ପ୍ରାୟ 640 ବୋତଲ ବ୍ୟାନ କଫ ସିରଫ ରହିଥିବା ଜଣାପଡିଛି ।