ପୁରୀ: ବିଶ୍ବପ୍ରସିଦ୍ଧ ଘୋଷଯାତ୍ରା ପାଇଁ ନୟାଗଡ ବନଖଣ୍ଡରୁ ପଞ୍ଚମ ପର୍ଯ୍ୟାୟରେ ରଥକାଠ ପୁରୀ ଶ୍ରୀମନ୍ଦିର କାର୍ଯ୍ୟାଳୟରେ ପହଞ୍ଚିଛି । ପଞ୍ଚମ ପର୍ଯ୍ୟାୟରେ 21ଖଣ୍ଡ ରଥକାଠ ଆସିଥିବା ଜଣାପଡିଛି । ପୂର୍ବରୁ 104 ଖଣ୍ଡ କାଠ ଆସି ପହଞ୍ଚିସାରିଛି । ଇତି ମଧ୍ୟରେ ଆସିଥିବା କିଛି କାଠ କଟକରେ ଥିବା ସରକାରୀ କରତ କଳକୁ ପଠାଇ ଦିଆଯାଇଛି । ଆସନ୍ତା ଏପ୍ରିଲ 2 ତାରିଖ ରାମ ନବମୀ ଅବସରରେ ରଥ କାଠ ଚିରା ପ୍ରକ୍ରିୟା ଆରମ୍ଭ ହେବା ନେଇ ଶ୍ରୀମନ୍ଦିର କାର୍ଯ୍ୟାଳୟ ପକ୍ଷରୁ ଆବଶ୍ୟକ ବ୍ୟବସ୍ଥା କରାଯାଇଛି ।
ପଞ୍ଚମ ପର୍ଯ୍ୟାୟରେ ପୁରୀ ଶ୍ରୀମନ୍ଦିର କାର୍ଯ୍ୟାଳୟରେ ପହଞ୍ଚିଲା 21 ଖଣ୍ଡ ରଥକାଠ
ଆସନ୍ତା ଅକ୍ଷୟ ତୃତୀୟାରୁ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ । ଚଳିତ ବର୍ଷ ରଥ ନିର୍ମାଣ ପାଇଁ 672 ଖଣ୍ଡ କାଠର ଆବଶ୍ୟକ ରହିଛି । ସେଥିପାଇଁ 125ଟି କାଠ ପହଞ୍ଚି ସାରିଛି । ପୂର୍ଵ ବର୍ଷ 193 ଖଣ୍ଡ କାଠ ଶ୍ରୀମନ୍ଦିର କାର୍ଯ୍ୟାଳୟରେ ଗଚ୍ଛିତ ରଖାଯାଇଛି । ତେବେ 3ଟି ରଥ ପାଇଁ ମୋଟ 865 ଖଣ୍ଡ କାଠର ଆବଶ୍ୟକତା ରହିଥାଏ ।