ନୂଆପଡା: ଜିଲ୍ଲା ପରିଷଦ ଜୋନ 2ର ଉପ ନିର୍ବାଚନ ପାଇଁ ନାମାଙ୍କନ ଦାଖଲ କଲେ ତିନି ଦଳର ପ୍ରାର୍ଥୀ । ଜିଲ୍ଲାପରିଷଦ ଉପନିର୍ବାଚନକୁ ନେଇ ଦଳୀୟ କର୍ମୀ ଓ ନେତାଙ୍କ ଗହଣରେ ରାଜନୈତିକ ଉଷ୍ଣତା ସରଗରମ ହୋଇଛି ।
ଜିଲ୍ଲା ପରିଷଦ ଉପନିର୍ବାଚନ, ନାମାଙ୍କନ ପତ୍ର ଦାଖଲ କଲେ ପ୍ରାର୍ଥୀ
ନୂଆପଡା ଜିଲ୍ଲା ପରିଷଦ ଜୋନ 2ନମ୍ବର ଉପ ନିର୍ବାଚନ ପାଇଁ ସୋମବାର ତିନି ପ୍ରମୁଖ ରାଜନୈତିକ ଦଳ ବିଜେପି, ବିଜେଡି, କଂଗ୍ରେସ ପ୍ରାର୍ଥୀ ନୂଆପଡା ଜିଲ୍ଲା ନିର୍ବାଚନ ଅଧିକାରୀଙ୍କ ପାଖରେ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେଡି ପ୍ରାର୍ଥୀ ଅବନୀ ଯୋଶୀ ଏକ ଶୋଭାଯାତ୍ରାରେ ବହୁ ନେତା କର୍ମୀ ଓ ସମର୍ଥକ ଗହଣରେ ଆସି ନାମାନଙ୍କନ ପତ୍ର ଦାଖଲ କରିଥିବାବେଳେ,ବିଜେପି ପ୍ରାର୍ଥୀ ଗୌରୀଶଙ୍କର ପଣ୍ଡା ଏବଂ କଂଗ୍ରେସ ପ୍ରାର୍ଥୀ କାଞ୍ଚନ ଶବର ନିଜ ନିଜର ପ୍ରସ୍ତାବକ ସମର୍ଥକଙ୍କ ସହ ଆଜି ନାମାଙ୍କନ ପତ୍ର ଦାଖଲ କରିଛନ୍ତି ।