ନୂଆପଡ଼ା: ଚଳିତ ବର୍ଷ ମୌସୁମୀ ବର୍ଷା ଆଗମନ କରିସାରିଥିବା ବେଳେ ବର୍ଷାରେ ଗାଁ ଗଣ୍ଡା ଗଳି ରାସ୍ତା ବେହାଲ ହୋଇପଡି଼ଛି। ଗଳି ରାସ୍ତା ଗୁଡି଼କରେ ଆଣ୍ଠୁଏ ପାଣି ଜମାଟ ବାନ୍ଧିଥିବା ବେଳେ ପାଣି ନିଷ୍କାସନ ହୋଇପାରୁ ନାହିଁ । ଫଳରେ ପିଲା ଠାରୁ ବୁଢ଼ା ସମସ୍ତେ ଜମିଥିବା ଦୂଷିତ ମଇଳା ପାଣିରେ ଯାତାୟତ କରୁଥିବା ଦେଖାଦେଇଛି।
ମୌସୁମୀର ପ୍ରଥମ ବର୍ଷାରେ ଗାଁ ରାସ୍ତରେ ଆଣ୍ଠୁଏ ପାଣି
ସୂଚନାମତେ ନୂଆପଡା ଜିଲ୍ଲା ଟିମନପୁର ଗ୍ରାମପଞ୍ଚାୟତ ଗୋବିନ୍ଦପୁର ଗ୍ରାମ ହରିଜନ ପଡା ମୌସୁମୀର ପ୍ରଥମ ବର୍ଷାରେ ବେହାଲ ହୋଇଛି । ସ୍ବଳ୍ପ ବର୍ଷା ହେଲେ ହରିଜନ ପଡା ଗଳି ରାସ୍ତା ଗୁଡି଼କରେ ଆଣ୍ଠୁଏ ପାଣି ଜମାଟ ବାନ୍ଧିରହୁଛି। ଗଳି ରାସ୍ତା ଖାଲ ଖମା ଥିବା କାରଣରୁ ବର୍ଷା ପାଣି କୁଆଡେ ନିଷ୍କାସନ ହୋଇନପାରି ରାସ୍ତା ଉପରେ ଜମା ହୋଇ ରହୁଛି।