ନୂଆପଡା: ବେଶ୍ ଧୂମଧାମରେ ସହରରେ ଚାଲିଛି ଗଣେଶ ପୂଜା । ଭକ୍ତଙ୍କ ଚହଳ ଗହଳରେ ମହାଆଡମ୍ବରରେ ବିଭିନ୍ନ ପୂଜା ମଣ୍ଡପରେ ପୂଜା ପାଉଛନ୍ତି ବିଘ୍ନ ବିନାଶକ । ତେବେ ସାରା ରାଜ୍ୟରେ ଜୋରସୋରରେ ପୂଜାର ମାହୋଲ ଜମିଥିବା ବେଳେ ଖଡିଆଳ, ବୋଡେନ, କୋମନା ଓ ନୂଆପଡା ସହରରେ ଶତାଧିକ ପୂଜା ମଣ୍ଡପରେ ଚାଲିଛି ଅଗ୍ରପୂଜ୍ୟ ଗଣନାଥଙ୍କ ଷୋଡଶ ବିଧିରେ ପୂଜାର୍ଚ୍ଚନା ।
ସବୁଠାରୁ ଭିନ୍ନ ରହିଛି ସହରର ସିନାପାଲି ବ୍ଲକସ୍ଥିତ ଗଣ୍ଡାବାହେଲି ଗାଁର ଗଣେଶ ପୂଜା । ଏଠାରେ ପ୍ରତିଦିନ ଷୋଡଶ ବିଧିରେ ଗଜାନନଙ୍କର ପୂଜାର୍ଚ୍ଚନା କରାଯାଏ । ଅନ୍ୟପଟେ ଶ୍ରଦ୍ଧାଳୁଙ୍କୁ ଆକୃଷ୍ଟ କରିବା ଭଳି ବିଶାଳ ତୋରଣ ହୋଇଥିବା ବେଳେ ବିଶାଳକାୟ ମୂର୍ତ୍ତି ପ୍ରସ୍ତୁତ କରିଛନ୍ତି କାରିଗର ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା