ଖରା ନ ଆସୁଣୁ ଜଳକଷ୍ଟ ଭୋଗୁଛନ୍ତି ଚଚରାଭଟା ଗାଁ ଲୋକେ

ନୂଆପଡା ଜିଲ୍ଲା ସିନାପାଲି ବ୍ଲକ ଚଚରାଭଟା ଗାଁରେ ବିଶୁଦ୍ଧ ପାନୀୟ ଜଳର ଉତ୍କଟ ସମସ୍ୟା ଦେଖାଦେଇଛି । କେବଳ ଗୋଟିଏ ନଳକୂପ କାର୍ଯ୍ୟକ୍ଷମ, ସେଥିରୁ ପୁଣି ବାହାରୁଛି ଫ୍ଲୋରାଇଟ ମିଶ୍ରିତ ପାଣି । ଅଧିକ ପଢନ୍ତୁ...

ନୂଆପଡା : ନୂଆପଡା ଜିଲ୍ଲା ସିନାପାଲି ବ୍ଲକ ଚଚରାଭଟା ଗାଁରେ ବିଷୁଦ୍ଧ ପାନୀୟ ଜଳର ଉତ୍କଟ ସମସ୍ୟା ଦେଖାଦେଇଛି । ଶୀତ ଋତୁରେ ପାଣି ସମସ୍ୟା ନେଇ ଗାଁ ଲୋକେ ଚିନ୍ତିତ, କାରଣ ଆଗକୁ ଖରା ଦିନ ଆସୁଛି । ଗାଁରେ ସିନାପାଲି ଜଳ ଓ ପରିମଳ ବିଭାଗ ପକ୍ଷରୁ ନଳ କୂପ ଖନନ କରାଯାଇଛି । ହେଲେ ସେଥି ମଧ୍ୟରୁ ସବୁତକ ଅଚଳ ହୋଇ ପଡିଥିବା ବେଳେ, କେବଳ ଗୋଟିଏ ନଳକୂପ କାର୍ଯ୍ୟକ୍ଷମ । ସେଥିରୁ ପୁଣି ବାହାରୁଛି ଫ୍ଲୋରାଇଟ ମିଶ୍ରିତ ପାଣି ।

ତଥାପି ବିକଳ୍ପ ନପାଇ ଗାଁ ଲୋକେ ଜଳ ସଂଗ୍ରହ ପାଇଁ ନଳକୂପ ନିକଟରେ ଲମ୍ବା ଧାଡିରେ ଛିଡା ହୋଇ ଜଳ ସଂଗ୍ରହ କରୁଥିବା ଦେଖାଦେଇଛି । ନଳକୂପ ମରାମତି ପାଇଁ ପ୍ରଶାସନକୁ ବାରମ୍ବାର ଜଣାଇବା ପରେ ମଧ୍ୟ ସୁଫଳ ମିଳିନଥିବା ଗାଁଲୋକେ ଅଭିଯୋଗ କରିଛନ୍ତି । ତୁରନ୍ତ ଜିଲ୍ଲା ପ୍ରଶାସନ ଚଚରାଭଟା ଗାଁର ଜଳ କଷ୍ଟ ଦୁର କରିବା ଜରୁରୀ ହୋଇପଡିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ