ନୂଆପଡା: ସହକାରୀ କର୍ମଚାରୀଙ୍କ ସର୍ଭିସ ବୁକ ଅପଡେଟ କରିବା ପାଇଁ ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରା ପଡିଲେ ପ୍ରିନ୍ସିପାଲ । ଖଡ଼ିଆଳ ବ୍ଲକ ଅନ୍ତର୍ଗତ ଓଡିଶା ଆଦର୍ଶ ବିଦ୍ୟାଳୟ ପ୍ରିନ୍ସିପାଲ ସୁଜନ କୁମାର ସାହୁ ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡି ଗିରଫ ହୋଇଛନ୍ତି ।
ଲାଞ୍ଚ ନେବାବେଳେ ଭିଜିଲାନ୍ପ ଜାଲରେ ପଡିଲେ ପ୍ରିନ୍ସିପାଲ
ମିଳିଥିବା ସୂଚନା ଅନୁସାରେ,ଆଦର୍ଶ ବିଦ୍ୟାଳୟର ଜଣେ ସହକାରୀ ଶିକ୍ଷକ ରାମକ୍ରିଷ୍ଣା ପଧାନଙ୍କ ସର୍ଭିସ ବୁକ ଅପଡେଟ କରିବାପାଇଁ ପ୍ରିନ୍ସିପାଲ 7ହଜାର ଟଙ୍କା ଲାଞ୍ଚ ଦାବି କରିଥିଲେ । ପ୍ରିନ୍ସିପାଲଙ୍କ ଦାବି ଅନୁସାରେ ମଙ୍ଗଳବାର 3ହଜାର ଟଙ୍କା ଲାଞ୍ଚ ଦେଇଥିଲେ ସହକାରୀ ଶିକ୍ଷକ । ଆଜି ବୁଧବାର ପୁଣି 4ହଜାର ଟଙ୍କା ଲାଞ୍ଚ ଦେଉଥିବାବେଳେ, ପୂର୍ବରୁ ଅଭିଯୋଗ ପାଇଥିବା ଭିଜିଲାନ୍ସ ପ୍ରିନ୍ସିପାଲଙ୍କୁ ଘଟଣାସ୍ଥଳରୁ ଗିରଫ କରିବା ସହ ତାଙ୍କ ଠାରୁ ଉକ୍ତ ଟଙ୍କା ଜବତ କରିଛି ।