ନୂଆପଡା: ଦୁର୍ବୃତ୍ତ ନୁହେଁ ଜ୍ବାଇଁର ଗୁଳିମାଡରେ ଶାଶୁ ମୃତ । ଗତରାତିରେ ନୂଆପଡା ଡୁଆଝର ଗାଁ ଆପନା ଢ଼ାବା ହୋଟେଲରେ ୨ ଦୁର୍ବୃତ୍ତ ଆସି ହୋଟେଲ ମାଲିକାଣୀଙ୍କୁ ଗୁଳିମାଡ କରିଥିଲେ । ଏଥିରେ ମହିଳା ଜଣଙ୍କ ଘଟଣାସ୍ଥଳରେ ପ୍ରାଣ ହରାଇଥିଲେ । ତେବେ ମୃତ ମହିଳାଙ୍କ ଝିଅର ଜ୍ୱାଇଁ ଏହି ଘଟଣା ଭିଆଇଥିବା ପରିବାର ପକ୍ଷରୁ ସଙ୍ଗୀନ ଅଭିଯୋଗ ହୋଇଛି ।
ମହିଳାଙ୍କୁ ଗୁଳିମାଡ ଘଟଣା, ଜ୍ବଇଁ ନାଁରେ ସଙ୍ଗୀନ ଅଭିଯୋଗ ଆଣିଲେ ପରିବାର ଲୋକେ
ମିଳିଥିବା ସୂଚନା ଅନୁଯାୟୀ ଶନିବାର ରାତ୍ରି ପ୍ରାୟ ୯ ଘଟିକା ସମୟରେ ଆପନା ଢ଼ାବାରେ ଢ଼ାବା ମାଲିକ ବିଭୀଷଣ ମେହେର ତାଙ୍କ ସ୍ତ୍ରୀ ବାସନ୍ତୀ ମେହେର ଢ଼ାବାରେ ଥିବା ବେଳେ ୨ଜଣ ଦୁର୍ବୃତ୍ତ ମୋଟର ସାଇକେଲରେ ଆସି ଢାବାରେ ଖାଇବା ପରେ ଧୂମ୍ରପାନ କରି ମାଲିକାଣି ବାସନ୍ତୀ ମେହେରଙ୍କ ଉପରକୁ ଗୋଟିଏ ରାଉଣ୍ଡ ଗୁଳି ଚଳାଇଥିଲେ । ଏହାପରେ ବନ୍ଧୁକଟିକୁ ସେହିଠାରେ ଫୋପାଡି ଦେଇ ଫେରାର ହୋଇଯାଇଥିଲେ । ଫଳରେ ମହିଳା ଜଣଙ୍କ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ ।