ସ୍ବାଧୀନତା ଦିବସ ପାଳନ ପୂର୍ବରୁ ଧସିଲା ଷ୍ଟାଡିୟମ ଗ୍ୟାଲେରୀ

73 ତମ ସ୍ବାଧୀନତା ଦିବସ ପାଳନ ପୂର୍ବରୁ ନୂଆପଡା ମିନି ଷ୍ଟାଡିୟମର ଗ୍ୟାଲେରୀ ଧସିଲା । ଗ୍ୟାଲେରୀରେ ବସିଥିଲେ ଶତାଧିକ ଛାତ୍ର ଛାତ୍ରୀ । ଅଳ୍ପକେ ବର୍ତ୍ତିଛନ୍ତି ଛାତ୍ରଛାତ୍ରୀ ।

ନୂଆପଡା: 73ତମ ସ୍ବାଧୀନତା ଦିବସ ପାଳନ ପୂର୍ବରୁ ନୂଆପଡାରେ ଅଘଟଣ । ମିନି ଷ୍ଟାଡିୟମଠାରେ ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ ।

ନୂଆପଡା ଜିଲ୍ଲା ମିନି ଷ୍ଟାଡିୟମଠାରେ ସ୍ବାଧୀନତା ଦିବସ ପାଳନ ଅବସରରେ ଷ୍ଟାଡିୟମ ଗ୍ୟାଲେରୀରେ ବସିଥିଲେ ଶତାଧିକ ଛାତ୍ରଛାତ୍ରୀ । ଏହି ସମୟରେ ଧସିଥିଲା ଷ୍ଟାଡିୟମ ଗ୍ୟାଲେରୀ । ତେବେ ଶତାଧିକ ଛାତ୍ରଛାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି ।

ସ୍ବାଧୀନତା ଦିବସ ପାଳନ ପୂର୍ବରୁ ସମସ୍ତ ବ୍ୟବସ୍ଥା ଠିକ ଅଛି ନା ନାହିଁ ତାହା ତଦାରଖ କରିବା କଥା । ଏଠାରେ ଦାୟିତ୍ବରେ ଥିବା ପ୍ରଶାସନିକ ଅଧିକାରୀଙ୍କ ବେପରୁଆ ମନୋଭାଵ ଯୋଗୁଁ ଏପରି ଦୁର୍ଘଟଣା ଘଟିବା ନେଇ ଚର୍ଚ୍ଚା ହେଉଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ