ମୁଖରେ ଶିବନାମ କାନ୍ଧରେ ଜଳଭାର ନେଇ ପାତାଳ ଗଙ୍ଗାରେ କାଉଡିଆଙ୍କ ଭିଡ

ପବିତ୍ର ଶ୍ରାବଣ ମାସ ଦ୍ଵିତୀୟ ସୋମବାର ଅବସରରେ ପାତାଳ ଗଙ୍ଗା ପର୍ଯ୍ୟଟନ କ୍ଷେତ୍ରରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ଲମ୍ବାଧାଡ଼ିରେ କାଉଡ଼ିଆ ଶ୍ରଦ୍ଧାଳୁ ମହାଦେବଙ୍କ ଦର୍ଶନ ପାଇଁ କାହିଁ କେତେଦୁରରୁ ଛୁଟି ଆସିଥିଲେ ।

ନୂଆପଡ଼ା: ଆଜି ପବିତ୍ର ଶ୍ରାବଣ ମାସ ଦ୍ଵିତୀୟ ସୋମବାର । ଏନେଇ ନୂଆପଡା ଜିଲ୍ଲାର ବିଭିନ୍ନ ଶୈବପୀଠରେ ଶ୍ରଦ୍ଧାଳୁଙ୍କ ବେଶ ଜନଗହଳି ଦେଖାଦେଇଛି । ବିଶେଷ କରି ନୂଆପଡା ଜିଲ୍ଳା ସଂସ୍କୃତି ସଂପନ୍ନ ପାତାଳ ଗଙ୍ଗା ପର୍ଯ୍ୟଟନ କ୍ଷେତ୍ରରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା ।

ବୋଲବମ ହରହର ମହାଦେବ ଧ୍ବନିରେ ପ୍ରକମ୍ପିତ ପାତାଳ ଗଙ୍ଗା ପର୍ଯ୍ୟଟନ କ୍ଷେତ୍ର । କାଉଡ଼ିଆ ମାନେ କାନ୍ଧରେ ଜଳ ଭାର ଧରି ଶିବ ଆରାଧନା କରୁଥିବା ଦେଖାଦେଇଛି । ଲମ୍ବଧାଡ଼ିରେ କାଉଡ଼ିଆ ଶ୍ରଦ୍ଧାଳୁ ମହାଦେବଙ୍କ ଦର୍ଶନ ପାଇଁ କାହିଁ କେତେଦୁରରୁ ଛୁଟି ଆସିଥିଲେ । ମହାଦେବଙ୍କୁ ଜଳାଭିଷେକ କରି ନିଜ ଘର ବାହୁଡ଼ି ଯାଉଥିଲେ ।

ପ୍ରଥମ ସୋମବାରରେ ଟିକିଏ ଜନଗହଳି କମ ଥିବାବେଳେ ଦ୍ଵିତୀୟ ସୋମବାରରେ ଜନଗହଳି ଢେର ପରିମାଣରେ ବଢିଥିବା ଜଣାପଡିଛି । ଆଗକୁ ଆହୁରି ଭିଡ ହେବ ବୋଲି ପ୍ରଶାସନ ଚିନ୍ତା କରିଛି । ସୁରକ୍ଷା ଦୃଷ୍ଟିରୁ ପାତାଳଗଙ୍ଗା ଠାରେ ବ୍ୟାପକ ପୋଲିସ ମୁତୟନ କରାଯାଇଛି ।

ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ