ନୂଆପଡା: ଜିଲ୍ଲାର ପୁରପଲ୍ଲୀରେ ମହିଳାଙ୍କ ଦ୍ବାରା ସାବିତ୍ରୀ ବ୍ରତ ହର୍ଷୋଲ୍ଲାସରେ ସମ୍ପନ୍ନ ହୋଇଛି । ଲକଡାଉନ ଓ କୋରୋନା ଭୟରେ ସାମାନ୍ୟ ଫିକା ପଡିଥିଲେ ମଧ୍ୟ ଘରେ ଘରେ ଉତ୍ସବ ଦେଖିବାକୁ ମିଳିଥିଲା । ପବିତ୍ର ସାବିତ୍ରୀ ବ୍ରତକୁ ନେଇ ଖଡିଆଳ ବ୍ଳକ ନେହେନା ଗ୍ରାମ ମିଳପଡାଠାରେ ବ୍ରତଧାରୀ ମହିଳାଙ୍କ ମଧ୍ୟରେ ଉତ୍ସାହ ଉଦ୍ଦୀପନା ଦେଖାଦେଇଛି ।
ହର୍ଷୋଲ୍ଲାସରେ ସାବିତ୍ରୀ ବ୍ରତ ପାଳିତ
ଶୁକ୍ରବାର ମହିଳାମାନେ ପ୍ରାତଃରୁ ନିତ୍ୟକର୍ମ ସାରି ବ୍ରତ ପାଇଁ ସଜବାଜ ହୋଇଥିଲେ । ଏକାଠି ହୋଇ ମହିଳାମାନେ ତୁଳସୀ ଚଉରା ମୂଳେ ସ୍ବାମୀଙ୍କ ଦୀର୍ଘାୟୁ କାମନା କରିଥିଲେ । ଧୂପ ଦୀପ ନୈବେଦ୍ୟ ଅର୍ପଣ କରି ସ୍ବର୍ଗ, ମର୍ତ୍ତ୍ୟ, ପାତାଳ, ଚତୁର୍ଥ ଦିଗକୁ ସାକ୍ଷୀ ରଖି ବ୍ରତ ପାଳନ କରିଛନ୍ତି ସମୂହ ମହିଳା ।