ନୂଆପଡା: ଜିଲ୍ଲା ଖଡ଼ିଆଳ ସମଲେଇ ସେନା ଓ ପଶ୍ଚିମାଞ୍ଚଳ ଏକତାମଞ୍ଚ ଆନୁକୂଲ୍ୟରେ ବାଦୀଗ୍ରାମ ରାଜୀବ ଗାନ୍ଧୀ ସେବା କେନ୍ଦ୍ର ଠାରେ ସମ୍ବଲପୁରୀ ଦିନ ଉତ୍ସବ 2020 ପାଳିତ ହୋଇଯାଇଛି ।
ସମଲେଇ ସେନା ଓ ପଶ୍ଚିମାଞ୍ଚଳ ଏକତାମଞ୍ଚ ପକ୍ଷରୁ ସମ୍ବଲପୁରୀ ଦିନ୍ ପାଳିତ
ସମ୍ବଲପୁରୀ ଦିନ ଉତ୍ସବ ଆୟୋଜିତ ସାଂସ୍କୃତିକ ସଭାରେ ସମଲେଇ ସେନା ଅଧ୍ୟକ୍ଷ ପ୍ରଦୀପ କୁମାର ଢ଼ିଣ୍ଡିଆ ଅଧ୍ୟକ୍ଷତା କରିଥିବାବେଳେ ମୁଖ୍ୟ ଅତିଥିଭାବରେ ସମ୍ବଲପୁରୀ ନାଟ୍ୟକାର ଜିତେନ୍ଦ୍ର ନାଥ ପଟ୍ଟନାୟକ, ମୁଖ୍ୟବକ୍ତା ଭାବରେ ଅଧ୍ୟାପକ ତରୁଣ କୁମାର ପ୍ରଧାନ, ସମ୍ମାନୀତ ଅତିଥି ଭାବରେ ‘ଇଟିଭି ଭାରତ’ ସାମ୍ବାଦିକ ମୋତିଲାଲ ବାଗ ମଞ୍ଚାସିନ ହୋଇ ଉଦବୋଧନ ଦେଇଥିଲେ । ସମ୍ବଲପୁରୀ ଭାଷା ଗବେଷକ ଗୁରୁ ସତ୍ୟ ନାରାୟଣ ବହିଦାରଙ୍କ ପୁଣ୍ୟ ଜନ୍ମତିଥି ଅଗଷ୍ଟ ମାସ 1 ତାରିଖ ଅଟେ । ଏହି ମହାନ ଦିବସକୁ ପଶ୍ଚିମ ଓଡିଶାବାସୀ ସମ୍ବଲପୁରୀ ଦିନ ଉତ୍ସବ ଭାବରେ ସେଲିବ୍ରେଟ କରୁଛନ୍ତି ।