ବିଦ୍ୟୁତ ଖୁଣ୍ଟରେ ପିଟି ହୋଇ 2 ବାଇକ ଆରୋହୀ ମୃତ

ସ୍ଥାନୀୟ ଖଡିଆଳ ଥାନା ପଦ୍ମପୁର ଗାଁ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଘଟଣାରେ 2ଜଣ ମୋଟର ସାଇକଲ ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଦ୍ବୟ ବୋଡେନ ବ୍ଲକ ଡନେଇବସା ଗାଁର ବୋଲି ଜଣାପଡିଛି ।

ନୂଆପଡା: ସ୍ଥାନୀୟ ଖଡିଆଳ ଥାନା ପଦ୍ମପୁର ଗାଁ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଘଟଣାରେ 2ଜଣ ମୋଟର ସାଇକଲ ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଦ୍ବୟ ବୋଡେନ ବ୍ଲକ ଡନେଇବସା ଗାଁର ବୋଲି ଜଣାପଡିଛି । ଖବର ପାଇ ଖଡିଆଳ ପୋଲିସ, ଖଡିଆଳ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି 2 ଯୁବକଙ୍କ ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛନ୍ତି ।

ସୂଚନା ଅନୁଯାୟୀ ବୋଡେନ ବ୍ଲକ ଡନେଇବସା ଗାଁର ଯୁବକ କୈଳାସ ଜଗତ ଏବଂ ଟେନ୍ଦୁଲକର ଜଗତ କୌଣସି କାମ ପାଇଁ କଣ୍ଟାବାଞ୍ଝି ଅଭିମୁଖେ ଯାଇ ଫେରୁଥିଲେ । ହେଲେ ଫେରିବା ବାଟରେ ଖଡ଼ିଆଳ ଥାନା ପଦ୍ମପୁର ଗାଁ ନିକଟସ୍ଥ ମୁଖ୍ୟ ସଡକରେ ଥିବା ବିଦ୍ୟୁତ ଖୁଣ୍ଟରେ ଦ୍ରୁତଗାମୀ ଗାଡି ଧକ୍କା ହୋଇଥିଲେ । ଫଳରେ ଉଭୟ ଯୁବକ ଛିଟିକି ପଡିବା ସହ ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ହୋଇଥିଲା ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ