ନୂଆପଡ଼ା:ଜିଲ୍ଲାର କୋମଡ଼ା ଓ ନୂଆପଡ଼ା ବ୍ଲକରେ ଧାନମଣ୍ଡିରେ ଦୁର୍ନୀତି ହେଉଥିବା ଅଭିଯୋଗ କରି ଶୁକ୍ରବାର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗରିବ ସେନା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ତେବେ ସେମାନଙ୍କ ଦାବି ପୂରଣ ନ ହେଲେ ଆନ୍ଦୋଳନକୁ ତୀବ୍ରତର କରିବା ପାଇଁ ଆନ୍ଦୋଳନକାରୀମାନେ ଚେତାବନୀ ଦେଇଛନ୍ତି ।
ଧାନମଣ୍ଡିରେ ଦୁର୍ନୀତି ଅଭିଯୋଗରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ
ଜିଲ୍ଲାର କୋମନା, ନୂଆପଡା ବ୍ଲକର ବିଭିନ୍ନ ଧାନମଣ୍ଡିରେ ମିଲର ରାଜୁତି ଚାଲିଥିବା ଅଭିଯୋଗ କରିଛନ୍ତି ଆନ୍ଦୋଳନକାରୀ । ପ୍ରକୃତ ଚାଷୀ ରେଜିଷ୍ଟ୍ରେସନରୁ ବାଦ ପଡିଥିବା ବେଳେ ମିଥ୍ୟା ଚାଷୀ ଟୋକନ୍ ପାଇ ଦଲାଲ କବଜାରେ ଥିବା ଅଭିଯୋଗ ହେଉଛି । ଲଖନା, ଖରିଆରୋଡ, ଧରମବନ୍ଧା, ସାରାବଙ୍ଗ ଅଞ୍ଚଳର ବହୁ ସଂଖ୍ୟାରେ ଚାଷୀ ପେକ୍ସ ଅଧିକାରୀଙ୍କ ତ୍ରୁଟିପୂର୍ଣ୍ଣ କାମ ଯୋଗୁଁ ରେଜିଷ୍ଟ୍ରେସନରୁ ବାଦ ପଡିଛନ୍ତି । ସେହିଭଳି ସିଆଲଲଟି, ତରବୋଡ, ସମରସିଂ, କୁରୁମପୁରୀ, ଆମାନାରା ଧାନମଣ୍ଡିରେ ପ୍ରବଳ ମାତ୍ରାରେ ଦୁର୍ନୀତି ଚାଲିଥିବା ଆନ୍ଦୋଳନକାରୀ ଅଭିଯୋଗ କରିଛନ୍ତି ।