ନୂଆପଡା: ଜିଲ୍ଲା ସଦର ଥାନା ସ୍ଥିତ ତେଲିପଡା ଶିବମନ୍ଦିରଠାରେ ନୂଆପଡା ପୋଲିସର ଅତର୍କିତ ଚଢାଉ । ଚଢ଼ାଉ ବେଳେ 48ଟି ବେଆଇନ କଫ ସିରପ୍ ଜବତ ହେବା ସହ ଜଣେ ଯୁବକ ଗିରଫ ହୋଇଛି । ଗିରଫ ଯୁବ ଜଣକ ହେଲେ ନୂଆପଡା ସହର ସ୍ଥିତ ତେଲିପଡାର ରାଜେନ ନାଗ ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା
ଦିନକୁଦିନ ନୂଆପଡାରେ ବେଆଇନ କଫ ସିରପ କାରବାର ବଢିବାରେ ଲାଗିଛି । ଏଠାରେ ଆପଣଙ୍କୁ କହିରଖୁଛୁ ଯେ, କଫ ସିରପ ଗୋଟିଏ ଔଷଧ । କାଶ, ଜ୍ଜର ହେଲେ ଡାକ୍ତରଙ୍କ ପରାମର୍ଶରେ ରୋଗୀ ଏହାକୁ ଖାଇ ଆରୋଗ୍ୟ ଲାଭ ପାଇଥାଏ । ତେବେ ଏହି କଫ ସିରପକୁ ଆବଶ୍ୟକୀୟ ଡୋଜରୁ ଅଧିକ ସେବନ କରିବା ଦ୍ବାରା ତାହା ମଣିଷକୁ ନିଶାଗ୍ରସ୍ତ କରାଇଥାଏ । ଯାହାଫଳରେ ନୂଆପଡା ଜିଲ୍ଳାରେ ବିଶେଷ କରି ଯୁବପୀଢି ଏହାପ୍ରତି ଅଧିକ ଆକୃଷ୍ଟ ହେଉଛନ୍ତି । ଏହାସହ କମ ଖର୍ଚ୍ଚରେ କଫ ସିରପ କିଣି ଏହାକୁ ନିଶା ଭାବରେ ବ୍ୟବହାର କରୁଛନ୍ତି ।