ନୂଆପଡ଼ା: ଜିଲ୍ଲାର ସଦର ମହକୁମା ମୋଟାନୂଆପଡ଼ା ଗ୍ରାମ ପଞ୍ଚାୟତର କୁକୁଡ଼ାତାଳ ଗ୍ରାମରେ ବିଧବା ମହିଳା ବିପଦସଙ୍କୁଳ ଘରେ ବାସ କରୁଛନ୍ତି । ପରିଣତ ବୟସରେ ବାରମ୍ବାର ଗ୍ରାମପଞ୍ଚାୟତକୁ ଦୌଡୁଥଲେ ମଧ୍ୟ ଆବାସ ଗୃହ ମିଳିନାହିଁ । ତେବେ ମହିଳାଙ୍କୁ ବାସସ୍ଥାନଟିଏ ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି ।
ବିଧବା ମହିଳାଙ୍କୁ ବାସସ୍ଥାନ ପାଇଁ ସାଧାରଣରେ ଦାବି
ମୋଟାନୂଆପଡା ଗ୍ରାମ ପଞ୍ଚାୟତ କୁକୁଡ଼ାତାଳ ଗ୍ରାମରେ 70 ବର୍ଷୀୟା ବିଧବା ମହିଳା ରିଖି ରାଉତ ଝାଟିମାଟି ଭଙ୍ଗା ଦଦରା ଘରେ ବାସ କରୁଛନ୍ତି । କିଛି ବର୍ଷ ପୂର୍ବେ ସ୍ବାମୀଙ୍କ ଦେହାନ୍ତ ପରେ ଦଦରା ଘରଟି ମଧ୍ୟ ତାଙ୍କର ଭାଙ୍ଗିଯାଇଛି । ମହିଳାଙ୍କ ନିକଟରେ ସାମର୍ଥ୍ୟ ନଥିବାରୁ ବିପଦସଙ୍କୁଳ ଅବସ୍ଥାରେ ଅସହାୟ ହୋଇ ସେହି ଦଦରା ଘରେ ବାସ କରୁଛନ୍ତି । କୁଡ଼ିଆ ଘରର 4 ଖୁଣ୍ଟରେ କନା ଘୋଡ଼ାଇ ସେ ରହୁଛନ୍ତି ।