ନୂଆପଡା: ରାଜ୍ୟରେ ବିଜେଡିର ବିଜୟ ଅଭିଯାନରେ ସାମିଲ ହୋଇଛନ୍ତି ରାଜେନ୍ଦ୍ର ଢୋଲକିଆ । ସେ ନୂଆପଡା ବିଧାନସଭା ଆସନରୁ ବିଜୟ ଲାଭ କରିଛନ୍ତି । ସେ ତାଙ୍କ ନିକଟତମ ପ୍ରତିଦ୍ବନ୍ଦୀ କଂଗ୍ରେସର ଘାସିରାମ ମାଝୀଙ୍କୁ 20 ହଜାରରୁ ଉର୍ଦ୍ଧ୍ବ ଭୋଟରେ ପରାଜିତ କରିଛନ୍ତି । ବିଜୟ ପରେ ନିଜ ନିର୍ବାଚନ ମଣ୍ଡଳୀରେ ଥିବା ସମସ୍ତ ସମସ୍ୟାକୁ ଖୁବଶୀଘ୍ର ସମାଧାନ କରିବା ପାଇଁ ଶପଥ କରିଛନ୍ତି ।
ଭିିଡିଓ ସୌଜନ୍ୟ: ସମ୍ବାଦଦାତା, ନୂଆପଡା
ବିଜୟ ପରେ ଢୋଲକିଆ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଇଛନ୍ତି । ଏହାସହ ସେ ବିଜୟ ପାଇଁ ନିଜର ସମର୍ଥକ, କର୍ମୀମାନଙ୍କୁ ନିର୍ବାଚନ ବିଜୟର ଶ୍ରେୟ ଦେଇଛନ୍ତି । ଆଗାମୀ ଦିନରେ କୃଷି, ଶିକ୍ଷା ,ସ୍ବାସ୍ଥ୍ୟ, ଗମନାଗମନ, ପିଇବା ପାଣି ସର୍ବୋପରି ଚାଷଜମିକୁ ଜଳସେଚନର ସୁବିଧା ଯୋଗାଇବେ ବୋଲି କହିଛନ୍ତି । 2014 ନିର୍ବାଚନ ପରାଜୟର ତ୍ରୁଟିକୁ ସୁଧାରି ଲୋକଙ୍କ ସହିତ ଯୋଡି ହୋଇ ରହିଥିଲି ଯାହାର ପ୍ରତିଫଳନ ଆଜି ମୋତେ ବିଜୟ କରିଛି ବୋଲି ରାଜେନ୍ଦ୍ର ଢୋଲକିଆ ପ୍ରତିକ୍ରିୟାରେ କହିଛନ୍ତି ।