ନୂଆପଡା: ପଶ୍ଚିମ ଓଡିଶାର କୃଷି ଭିତ୍ତିକ ଗଣପର୍ବ ନୂଆଖାଇ ଶେଷ ହୋଇଯାଇଛି ସତ କିନ୍ତୁ ସରିନାହିଁ ଭେଟଘାଟ ପର୍ବ । ନୂଆଖାଇ ପର୍ବ ଯେତିକି ମହାନ ତାଠାରୁ ଅଧିକ ମହତ୍ତ୍ବ ଭେଟଘାଟ ବା ବନ୍ଧୁ ମିଳନ ପର୍ବ । ନୂଆଖାଇକୁ ନେଇ ପଶ୍ଚିମ ଓଡିଶା ବାସୀଙ୍କ ଭାଇଚାରା ଅତି ନିବିଡ । ସେଥିପାଇଁ ତ ମାସ ମାସ ଧରି ନୂଆଖାଇ ଭେଟଘାଟ ପାଳିତ ହୋଇଥାଏ ।
ଶୁକ୍ରବାର ନୂଆପଡା ଜିଲ୍ଲା କୋଶଳେଶ୍ୱର ମାଳି ସମାଜ ପକ୍ଷରୁ ଖଡ଼ିଆଳ ଅଗ୍ରସେନ ଭବନ ଠାରେ ନୂଆଖାଇ ଭେଟଘାଟ ପର୍ବ ଧୁମ ଧାମରେ ପାଳିତ ହୋଇଛି । ନୂଆପଡା ଜିଲ୍ଲା ମାଳି ସମାଜ ଯୁବ ସଭାପତି ଯୁଧିଷ୍ଠିର ପଟେଲଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ କରିଥିବା ମୁଖ୍ୟଅତିଥି ଭାବେ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ ଯୋଗଦେଇ ଉଦବୋଧନ ଦେଇଛନ୍ତି । ସାମାଜିକ ସଙ୍ଗଠନକୁ ମଜବୁତ କରି ସାମାଜିକ କାର୍ଯ୍ୟକଳାପକୁ ଗୁରୁତ୍ୱ ଦେବାପାଇଁ ଆହ୍ବାନ ଦିଆଯାଇଛି । ଏହିଅବସରରେ ନୂଆପଡା ଜିଲ୍ଲା ସମେତ ପଡୋଶୀ କଳାହାଣ୍ଡି ଓ ବଲାଙ୍ଗୀର ଜିଲ୍ଲାର ସଙ୍ଗଠକମାନେ ମଧ୍ୟ ଯୋଗ ଦେଇଥିଲେ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
