ନୂଆପଡା: ଜିଲ୍ଲା ବୋଡେନ ବ୍ଲକ କେନ୍ଦୁପତ୍ର ସେକ୍ସନ କାର୍ଯ୍ୟାଳୟ ସୁନାପୁର ଗ୍ରାମ ଠାରେ ଓଡିଶା କେନ୍ଦୁପତ୍ର କର୍ମଚାରୀ ସଙ୍ଘ ଖଡ଼ିଆଳ ଡିଭିଜନର ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ଯୁଗ ଜନ୍ମା ମହାପୁରୁଷ କେନ୍ଦୁପତ୍ର କର୍ମଚାରୀ ସଙ୍ଘର ପ୍ରତିଷ୍ଠାତା ସ୍ବର୍ଗତ ବିଶ୍ୱନାଥ ପଣ୍ଡିତଜିଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି ।
ନୂଆପଡାରେ କେନ୍ଦୁପତ୍ର କର୍ମଚାରୀ ସଙ୍ଘର ପ୍ରତିଷ୍ଠା ଦିବସ
ଆୟୋଜିତ ଏହି ସମାରୋହରେ କୃଷ୍ଣବଲ୍ଲଭ ବାରିକ ଅଧ୍ୟକ୍ଷତା କରିଥିବାବେଳେ ମୁଖ୍ୟ ଅତିଥି ଭାବେ ଓଡିଶା କେନ୍ଦୁପତ୍ର କର୍ମଚାରୀ ସଙ୍ଘ ଖଡ଼ିଆଳ ଡିଭିଜନ ସମ୍ପାଦକ ଯଦୁମଣି ପାଣିଗ୍ରାହୀ ଯୋଗଦେଇ ଉଦବୋଧନ ଦେଇଛନ୍ତି । ସମ୍ମାନିତ ଅତିଥି ଭାବେ ରେଞ୍ଜ ସଭାପତି ନଟବର ନାଗ, ସମ୍ପାଦକ ରୁଦ୍ର ନାଗ ଯୋଗଦେଇ ପଣ୍ଡିତ ବିଶ୍ୱନାଥଜିଙ୍କ ଜୀବନ ଚରିତ୍ର ଉପରେ ଆଲୋକପାତ କରିଛନ୍ତି । ଏହି ଅବସରରେ କେନ୍ଦୁପତ୍ର ତୋଳାଳୀ ଓ କର୍ମଚାରୀଙ୍କ ବିଭିନ୍ନ ସମସ୍ୟା ଉପରେ ବିଷଦ ଆଲୋଚନା କରାଯିବା ସହ ସରକାରଙ୍କ ପାଖରେ ଦାବି ଉପସ୍ଥାପନ କରାଯାଇଛି ।