ନୂଆପଡା: 14 ଦଫା ଦାବି ପୂରଣ ନେଇ କେନ୍ଦୁପତ୍ର ବନଖଣ୍ଡ ଅଧିକାରୀଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଛନ୍ତି କେନ୍ଦୁପତ୍ର କର୍ମଚାରୀ ସଂଘ । ତେବେ ଓଡିଶା କେନ୍ଦୁପତ୍ର କର୍ମଚାରୀ ସଂଘ ନୂଆପଡା ଜିଲ୍ଲା ଖଡ଼ିଆଳ ଡିଭିଜନ ସମ୍ପାଦକ ଯଦୁମଣି ପାଣିଗ୍ରାହୀଙ୍କ ନେତୃତ୍ବରେ ଏହି ଦାବିପତ୍ର ପ୍ରଦାନ କରାଯାଇଛି ।
14 ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ କେନ୍ଦୁପତ୍ର କର୍ମଚାରୀ ସଂଘର ଦାବିପତ୍ର ପ୍ରଦାନ
କେନ୍ଦୁପତ୍ର ତୋଳାଳୀ, ବନ୍ଧାଲି, ସିଜିନାଲ ଷ୍ଟାଫ ଓ ଅନ୍ୟାନ୍ୟ ଶ୍ରମିକମାନଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ସଂଘ ପର୍ଯ୍ୟାୟ କ୍ରମେ ପ୍ରଶାସନ ଓ ସରକାରଙ୍କୁ ଦାବି ଜଣାଇ ଆସୁଛି। ହେଲେ ଫଳ ଶୂନ୍ୟ ହୋଇଥିବାରୁ ସଂଘ କ୍ଷୋଭ ପ୍ରକାଶ କରିଛି। ଆଗକୁ ଅଧିକାରୀ ଓ ସରକାର ଦାବି ପୂରଣ ନେଇ ବିଚାର ନ କଲେ କେନ୍ଦୁପତ୍ର କର୍ମଚାରୀ ସଂଘ ଶ୍ରମିକଙ୍କ ସ୍ଵାର୍ଥ ପାଇଁ ଆନ୍ଦୋଳନ ତୀବ୍ରତର କରିବେ ବୋଲି ଚେତାବନୀ ଦେଇଛନ୍ତି।