ନୂଆପଡା: ଓଡିଶା କେନ୍ଦୁପତ୍ର କର୍ମଚାରୀ ସଂଘର ଧାରଣା । ଖଡ଼ିଆଳ ଡିଭିଜନ ସମ୍ପାଦକ ଯଦୁମଣି ପାଣିଗ୍ରାହୀଙ୍କ ନେତୃତ୍ୟରେ 10 ଦଫା ଦାବି ପୂରଣ ନେଇ ନୂଆପଡା, ଖଡ଼ିଆଳ, ତରବୋର୍ଡ, ସିନାପାଲି ସମସ୍ତ ରେଞ୍ଜ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯାଇଛି ।
ଦାବି ପୂରଣ ପାଇଁ ଓଡିଶା କେନ୍ଦୁପତ୍ର କର୍ମଚାରୀ ସଂଘର ଗଣଧାରଣା
ଗୁରୁବାର କେନ୍ଦୁପତ୍ର ତୋଳାଳି ଏବଂ କର୍ମଚାରୀ ମାନଙ୍କୁ ଛଟେଇ କରିବା ପାଇଁ ରାଜ୍ୟ ସରକାର ଉଦ୍ୟମ କରୁଛନ୍ତି । ଏହାକୁ ନେଇ କେନ୍ଦୁପତ୍ର ତୋଳାଳୀ ଏବଂ ସାମୟିକ କର୍ମଚାରୀ ମାନଙ୍କ ପ୍ରତି ସରକାର ଅଣଦେଖା କରୁଛନ୍ତି ବୋଲି ଗୁରୁବାର କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ଅଭିଯୋଗ କରାଯାଇଛି। ସାମୟିକ କର୍ମଚାରୀ ଓ ରାତ୍ରଜଗୁଆଳ ମାନଙ୍କ ଦରମା ବୃଦ୍ଧି କରିବା ସହ ସମସ୍ତ ପ୍ରକାର ସାମାଜିକ କଲ୍ୟାଣ ଯୋଜନାରେ ସାମିଲ କରିବା । ଏହା ସହ ଛାତ୍ରବୃତ୍ତି, ଝିଅ ବାହାଘର ସହାୟତା, ଚିକିତ୍ସା ସହାୟତା, ମୃତ୍ୟୁ କାଳୀନ ସହାୟତା, ଏଭଳି 10 ଦଫା ଦାବି କରିଛନ୍ତି ଖଡିଆଳ କେନ୍ଦୁପତ୍ର କର୍ମଚାରୀ ସଂଘ।