ନୂଆପଡା: ଜିଲ୍ଲାର କୋମନା ବ୍ଲକ ‘‘ଜୟ ମାଁ ପରଦେଶେନ ଯୁବ ଗୋଷ୍ଠୀ’’ ପେଣ୍ଡରାବନ୍ଧ ଗ୍ରାମର ଯୁବ ସ୍ବେଚ୍ଛାସେବୀମାନେ NH 353 ଜାତୀୟ ରାଜପଥ ମରାମତି କରିଛନ୍ତି । ଏହି ଗୋଷ୍ଠୀର ସଭାପତି ହରିଶ୍ଚନ୍ଦ୍ର ମାଝୀ, ସମ୍ପାଦକ ନୀଳଚକ୍ର ମାଝୀଙ୍କ ନେତୃତ୍ବରେ ସ୍ବେଚ୍ଛାକୃତ ରାସ୍ତା ମରାମତି କାମରେ 30 ଜଣ ଯୁବକ ନିଜକୁ ସାମିଲ କରିଛନ୍ତି ।
ସ୍ଥାଣୁ ପାଲଟିଲା ପ୍ରଶାସନ: NH ମରାମତି କଲେ ଯୁବ ଗୋଷ୍ଠୀ
ପ୍ରାକ୍ତ ସୂଚନା ମୁତାବକ ରାୟପୁର ଭାୟା ନୂଆପଡା-ଖଡ଼ିଆଳ ଦେଇ 353 ଜାତୀୟ ରାଜପଥ ଲମ୍ବିଯାଇଛି ଗୋପାଳପୁର ପର୍ଯ୍ୟନ୍ତ। 353 ଜାତୀୟ ରାଜପଥ ପେଣ୍ଡରାବନ୍ଧ ଗ୍ରାମ ପରଦେଶେନ ଦେବୀ ପୀଠ ଠାରୁ ଝାଳକୁସୁମ ପର୍ଯ୍ୟନ୍ତ ପ୍ରାୟ ଏକ କିଲୋମିଟର ରାସ୍ତା ମରଣ ଯନ୍ତା ପାଲଟିଛି । ପିଚୁ ଉଠିଯାଇ ଖାଲଖମା ହୋଇ ବର୍ଷା ପାଣି ଜମାଟ ବାନ୍ଧୁଛି । ଫଳରେ ପଥଚାରୀମାନେ ଦୁର୍ଘଟଣାର ଶିକାର ହୋଇ ଅକାଳରେ ମୃତ୍ୟୁବରଣ କରୁଥିବା ଦୃଷ୍ଟାନ୍ତ ରହିଛି ।