କ୍ବାରେଣ୍ଟାଇନ ସେଣ୍ଟରରେ ଅବ୍ୟବସ୍ଥା, ଚିନ୍ତାରେ ପ୍ରବାସୀ

ଗଞ୍ଜାମ ଜିଲ୍ଲା ଛତ୍ରପୁର ଚନାକଣ୍ଡି କ୍ବାରେଣ୍ଟାଇନ ସେଣ୍ଟରରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି ପ୍ରବାସୀ ଓଡିଆ ଶ୍ରମିକ । ଏନେଇ ଶ୍ରମିକମାନେ ଅଭିଯୋଗ କରିବା ସହ ସେମାନେ ପିଇବା ପାଣି, ଖାଇବା ଓ ରହିବା ସବୁଥିରେ ଅସୁବିଧାର ସମ୍ମୁଖୀନ ହେଉଥିବା ଏକ ଭିଡିଓ ଜାରି କରି ଜଣାଇଛନ୍ତି ।

ନୂଆପଡା: ଗଞ୍ଜାମ ଜିଲ୍ଲା ଛତ୍ରପୁର ଚନାକଣ୍ଡି କ୍ବାରେଣ୍ଟାଇନ ସେଣ୍ଟରରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି ପ୍ରବାସୀ ଓଡିଆ ଶ୍ରମିକ । ଏନେଇ ଶ୍ରମିକମାନେ ଅଭିଯୋଗ କରିବା ସହ ସେମାନେ ପିଇବା ପାଣି, ଖାଇବା ଓ ରହିବା ସବୁଥିରେ ଅସୁବିଧାର ସମ୍ମୁଖୀନ ହେଉଥିବା ଏକ ଭିଡିଓ ଜାରି କରି ଜଣାଇଛନ୍ତି । ତେବେ ରୋଜଗାର ଅନ୍ବେଷଣରେ ନୂଆପଡା ଜିଲ୍ଲାର ଏହି 30ରୁ ଉର୍ଦ୍ଧ୍ବ ଶ୍ରମିକ ରାଜ୍ୟ ବାହାରକୁ ଯାଇଥିବା ବେଳେ ସେମାନଙ୍କୁ ସ୍ବତନ୍ତ୍ର ଟ୍ରେନ ଯୋଗେ ରାଜ୍ୟକୁ ଅଣାଯାଇଛି ।

ସୂଚନା ଅନୁଯାୟୀ ସ୍ବତନ୍ତ୍ର ଟ୍ରେନରେ ଆସୁଥିବା ଏହି ଶ୍ରମିକମାନଙ୍କୁ ଗଞ୍ଜାମ ଜିଲ୍ଲା ଜଗନ୍ନାଥପୁରୀ ରେଳ ଷ୍ଟେସନରେ ଓହ୍ଲାଇବାକୁ ପ୍ରଶାସନର ନିର୍ଦ୍ଦେଶ ରହିଥିଲା । ସେଠାରୁ ସ୍ଥାନୀୟ ପୋଲିସ ଛତ୍ରପୁର ଚନାକଣ୍ଡି କ୍ବାରେଣ୍ଟାଇନ ସେଣ୍ଟରକୁ ପଠାଇଥିଲା । ହେଲେ ସେଠାରେ ରହିବା, ଖାଇବା, ପିଇବା ପାଣି ଆଦିର ବ୍ୟବସ୍ଥା ନାହିଁ ବୋଲି ଶ୍ରମିକମାନେ ଅଭିଯୋଗ ଆଣିଛନ୍ତି । ତେଣୁ ସରକାର ଶ୍ରମିକମାନଙ୍କୁ ଉଦ୍ଧାର କରି ଶ୍ରମିକଙ୍କ ନିଜ ଜିଲ୍ଲା ନୂଆପଡା ପଠାଇ ଦେବାକୁ ଅନୁରୋଧ କରିଛନ୍ତି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ