ନୂଆପଡା: ଖଡ଼ିଆଳ ବ୍ଲକ ବିଛଣାପାଲି ଗ୍ରାମରେ ପବିତ୍ର ଦଶହରା ଉପଲକ୍ଷେ ମା' ଠାକୁରାଣୀଙ୍କ ଦେବୀ ଯାତ୍ରା ଯଥା ରୀତିନୀତିରେ ପାଳିତ ହୋଇଯାଇଛି । ମହାମାରୀ କୋଭିଡ କଟକଣାର ସମସ୍ତ ନିୟମକୁ ପାଳନ କରି ବିଛଣାପାଲି ଗାଁର ଅଗଣିତ ଶ୍ରଦ୍ଧାଳୁ ଦେବୀ ମା'ଙ୍କ ଯାତ୍ରାରେ ସାମିଲ ହୋଇଥିଲେ ।
ଦେବୀ ମା'ଙ୍କ ମୁଖ୍ୟ ପୂଜକ ଲଳିତ ଝାଙ୍କର, ସେବାୟତ ଦିବାକର ମଲ୍ଲିକ, ପବିତ୍ର ଝାଙ୍କର, ପିତାମ୍ବର ଝାଙ୍କର, ଝସକେତନ ଝାଙ୍କର ଏବଂ ଜୟରାମ ଝାଙ୍କରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଠାକୁରାଣୀ ଯାତ୍ରା ସମ୍ପନ୍ନ ହୋଇଯାଇଛି । ସର୍ବପ୍ରଥମେ ଠାକୁରାଣୀ ଦେବୀ, ମାଟିଦେବତା ଧର୍ନି, ଭଣ୍ଡାରଘରେନ ମାଉଳି, ଛୋଟି ବୁଢ଼ୀ ବାବୁରେ, ବ୍ରାକମ ଧର୍ଣ୍ଣି, ବୁଢ଼ୀମା ଭିମାବୁଢା ଆଦି ଦେବତାଙ୍କୁ ଯଥା ବିଧିରେ ଝାଙ୍କର ପୂଜା ଅର୍ଚ୍ଚନା କରିଥିଲେ । ମାନସିକଧାରୀ ଶ୍ରଦ୍ଧାଳୁ ଦେବୀ ମା'ଙ୍କୁ ବୋଦାବଳୀ, ପାରା କୁକୁଡ଼ା ବଳୀ ଦେବା ସହ ଧୂପ ଦୀପ ନୈବେଦ୍ୟ ଅର୍ପଣ କରି ମା'ଙ୍କୁ ସନ୍ତୋଷ କରିଛନ୍ତି । ମା'ଙ୍କୁ ସରଣ ଗଲେ ଅବଶ୍ୟ ମନସ୍କାମନା ପୂରଣ ହୋଇଥାଏ ବୋଲି ସ୍ଥାନୀୟ ଲୋକଙ୍କ ଅଗାଢ ବିଶ୍ୱାସ ରହିଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ