ପ୍ରାକୃତିକ ବିପର୍ଯ୍ୟୟରୁ ସୁରକ୍ଷା ପାଇଁ ମକଡ୍ରିଲ ସଚେତନତା କାର୍ଯ୍ୟକ୍ରମ

ଆଗକୁ ବର୍ଷା ଋତୁ ଆସୁଥିବାରୁ ବନ୍ୟା, ବାତ୍ୟା ଓ ଝଡ ତୋଫାନ ପରି ପରିସ୍ଥିତିର କିପରି ମୁକାବିଲା କରାଯାଇପାରିବ ତାହା ଦମକଳ ବାହିନୀ ଦ୍ବାରା ମକଡ୍ରିଲରେ ଦେଖାଯାଇଥିଲା ।

ନୂଆପଡା: ପ୍ରତିବର୍ଷ ରାଜ୍ୟରେ ପ୍ରାକୃତିକ ବିପର୍ଯ୍ୟୟ ଘଟୁଥିବା ବେଳେ ସୁରକ୍ଷା ପାଇଁ ମକଡ୍ରିଲ ସଚେତନତା କାର୍ଯ୍ୟକ୍ରମର ପ୍ରୟାସ ଆରମ୍ଭ କରିଛି ସ୍ଥାନୀୟ ଖଡିଆଳ ଅଗ୍ନିଶମ ବିଭାଗ । ଅଗ୍ନିଶମ ଅଧିକାରୀ ଜଗଦୀଶ ପ୍ରସାଦ ମାଝୀ ଓ ଗୁଳୁ ସାହୁଙ୍କ ଉଦ୍ୟମରେ ଖଡିଆଳ ବ୍ଲକ ପରିସରରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ପ୍ରାକୃତିକ ବିପର୍ଯ୍ୟୟର ମୁକାବିଲାରୁ କିପରି ନିଜ ଜୀବନ ବଞ୍ଚାଇ ହେବ ତାର କୌଶଳ ଦମକଳ ବାହିନୀ ମକ ଡ୍ରିଲ ଦ୍ବାରା ଦେଖାଇଥିଲା ।

ଆଗକୁ ବର୍ଷା ଋତୁ ଆସୁଥିବାରୁ ବନ୍ୟା, ବାତ୍ୟା ଓ ଝଡ ତୋଫାନ ପରି ପରିସ୍ଥିତିର କିପରି ମୁକାବିଲା କରାଯାଇପାରିବ ତାହା ଦମକଳ ବାହିନୀ ଦ୍ବାରା ଦେଖାଯାଇଥିଲା । ଏହି କାର୍ଯ୍ୟକ୍ରମ ଦ୍ବାରା ଲୋକେ ଅନେକ କିଛି ଶିଖିପାରିବା ସହ ଆଗାମୀ ଦିନରେ ଏହି ଜ୍ଞାନ କୌଶଳ ସେମାନଙ୍କୁ ସହାୟକ ହେବ ବୋଲି ଖଡିଆଳ ଅଗ୍ନିଶମ ବାହିନୀ ପ୍ରକାଶ କରିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ