ଆକ୍ସିସ ବ୍ୟାଙ୍କରେ ଅଗ୍ନିକାଣ୍ଡ; ଅଳ୍ପକେ ବର୍ତ୍ତିଲେ କର୍ମଚାରୀ

ନୂଆପଡା ଆକ୍ସିସ ବ୍ୟାଙ୍କରେ ଲାଗିଲା ନିଆଁ । ଲକ୍ଷାଧିକ ସମ୍ପତି ନଷ୍ଟ ହୋଇଯାଇ ଥିବାବେଳେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।

ନୂଆପଡା: ବ୍ୟାଙ୍କରେ ଲାଗିଲା ନିଆଁ । ଆଜି ରବିବାର ବ୍ୟାଙ୍କ ବନ୍ଦ ଥିବାବେଳେ ହଠାତ ଅପରାହ୍ନ 3ଟା ବେଳେ ଆକ୍ସିସ ବ୍ୟାଙ୍କରେ ନିଆଁ ଲାଗିଥିଲା । ବ୍ୟାଙ୍କରେ ନିଆଁ ଲାଗିଥିବା ଖବର ପାଇ ଖଡିଆଳ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।

ତେବେ ପ୍ରାଥମିକ ତଦନ୍ତରୁ ସଟ ସର୍କିଟ ଯୋଗୁଁ ନିଆଁ ଲାଗିଥିବା ଜଣା ପଡିଛି । ତେବେ ନିଆଁର ଆଁ’ ରେ ବ୍ୟାଙ୍କର ଅନେକ କାଗଜ ପତ୍ର ପୋଡି ଯିବା ସହ ବହୁ ପରିମାଣର ସମ୍ପତି ନଷ୍ଟ ହୋଇଥିବା ଜଣାପଡିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ