ନୂଆପଡା: ବୋଡେନ ବ୍ଲକ କର୍ଲାକୋଟ ଗ୍ରାମପଞ୍ଚାୟତରେ ପିଡିଏସ ଚାଉଳ ବଣ୍ଟନ ବ୍ୟବସ୍ଥାରେ ବ୍ୟାପକ ଦୁର୍ନୀତି ଅଭିଯୋଗ । ଗ୍ରାମପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ, ଯୋଗାଣ ସହାୟକ, ମିଳିମିଶି ଖାଉଟିଙ୍କ ପେଟରେ ଲାତ ମାରି ହଡପ କରୁଛନ୍ତି ଟଙ୍କିକିଆ ଚାଉଳ । ଫଳରେ ଗରିବ ହିତାଧିକାରୀମାନେ ଧାର୍ଯ୍ୟ କିଲୋଗ୍ରାମ ଠାରୁ କମ ଚାଉଳ ନେଉଥିବା ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ନୂଆପଡା
କେନ୍ଦ୍ର ସରକାରଙ୍କ ଜାତୀୟ ଖାଦ୍ୟ ସୁରକ୍ଷା ଆଇନ ଏବଂ ରାଜ୍ୟ ସରକାରଙ୍କ ରାଜ୍ୟ ଖାଦ୍ୟ ସୁରକ୍ଷା ଆଇନ ବଳରେ ଗରିବ ଲୋକମାନଙ୍କୁ ଟଙ୍କିକିଆ ଚାଉଳ ବଣ୍ଟନ ବ୍ୟବସ୍ଥା କରାଯାଇଛି । ଏହି ଆଇନ ଆଳରେ ପ୍ରତ୍ୟେକ ହିତାଧିକାରୀଙ୍କ ମୁଣ୍ଡ ପିଛା ପ୍ରତି ମାସରେ ୫ କିଲୋଗ୍ରାମ ଚାଉଳ ଗ୍ରାମପଞ୍ଚାୟତ ଜରିଆରେ ପାଇବାର ନିୟମ ରହିଛି । ହେଲେ କର୍ଲାକୋଟ ଗ୍ରାମପଞ୍ଚାୟତରେ ଯୋଗାଣ ସହାୟକ ସିଧାସଳଖ ବସ୍ତା ପ୍ରତି ୫ କିଲୋଗ୍ରାମ ଚାଉଳ ହଡପ କରି ଚାଲିଛନ୍ତି ।