ନୂଆପଡା: ଜିଲ୍ଲା ଖଡିଆଳ ବସଷ୍ଟାଣ୍ଡ ଠାରେ 500 ଅସହାୟ ପରିବାରକୁ ଶୁଖିଲା ରାସନ ପ୍ରଦାନ କରାଯାଇଛି । ଭୁବନେଶ୍ବରର ଏମଜିଏମ ଗ୍ରୀନ ଏନର୍ଜି ଲିମିଟେଡ ଫରେଷ୍ଟ ପାର୍କ ସହାୟତାରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ ଲୋକଙ୍କୁ ଖାଦ୍ୟ ସାମଗ୍ରୀ ବାଣ୍ଟିଥିବା ଜଣାପଡିଛି ।
500 ଅସହାୟ ପରିବାରକୁ ବଣ୍ଟାଗଲା ଶୁଖିଲା ଖାଦ୍ୟ
ଖଡ଼ିଆଳସ୍ଥିତ ଟ୍ୟାକ୍ସି ୟୁନିୟନ, ଅଟୋ ୟୁନିୟନ, ଶ୍ରମିକ ୟୁନିୟନର 500 ଅସହାୟ ଗରିବ ହିତାଧିକାରୀଙ୍କୁ ଏହି ରାସନ ଯୋଜନାରେ ସାମିଲ କରାଯାଇଛି । ଜଣେ ହିତାଧିକାରୀଙ୍କୁ 15 ଦିନର ରାସନ ଯୋଗାଇ ଦିଆଯାଇଛି । ଯେଉଁଥିରେ ଚାଉଳ, ଡାଲି, ଅଟା, ଚିନି, ତେଲ, ଅମୂଲ ପାଉଡର, ମସଲା ପ୍ୟାକେଟ, ଚା ଗୁଣ୍ଡ, ସାବୁନ ଆଦି ଖାଉଟି ସାମଗ୍ରୀ ମହଜୁଦ ରହିଛି ।