ନୂଆପଡାରେ କୋଭିଡ-19 ସ୍ଥିତି ସମୀକ୍ଷା କଲେ ଜିଲ୍ଲା ପର୍ଯ୍ୟବେକ୍ଷକ

ଜିଲ୍ଲା ପର୍ଯ୍ୟବେକ୍ଷକଙ୍କ ନୂଆପଡା ଗସ୍ତ । କୋଭିଡ -19 ମୁକାବିଲାରେ ନୂଆପଡା ଜିଲ୍ଲା ପ୍ରସ୍ତୁତିରେ ପର୍ଯ୍ୟବେକ୍ଷକ ବେହେରା ସନ୍ତୋଷଜନକ ଥିବା କହିଛନ୍ତି । ଅଧିକ ପଢନ୍ତୁ...

ନୂଆପଡା: ମହାମାରୀ କୋଭିଡ-19 ସମୀକ୍ଷା କରିବାକୁ ନୂଆପଡା ଜିଲ୍ଲା ଗସ୍ତ କରିଥିଲେ ଜିଲ୍ଲା ପର୍ଯ୍ୟବେକ୍ଷକ ବେନୁପାଣି ବେହେରା । କୋମନା, ବୋଡେନ, ସିନାପାଲି, ଖଡ଼ିଆଳ ଏବଂ ନୂଆପଡା ବ୍ଲକର ବିଭିନ୍ନ କ୍ବାରେନଣ୍ଟାଇନ ସେଣ୍ଟର ଏବଂ ଅସ୍ଥାୟୀ ସ୍ୱାସ୍ଥ୍ୟ ଶିବିର ପରିଦର୍ଶନ କରିଛନ୍ତି । ପରିଦର୍ଶନ ସମୟରେ ଅସ୍ଥାୟୀ ସ୍ୱାସ୍ଥ୍ୟ ଶିବିରରେ ସାମାଜିକ ଦୂରତାରେ ସଜ୍ଜା, ବିଷୁଦ୍ଦ ପାନୀୟ ଜଳ, ବିଜୁଳି ଏବଂ ଅନ୍ୟାନ୍ୟ ଆନୁସାଙ୍ଗିକ ବ୍ୟବସ୍ଥା ଉପରେ ଗୁରୁତ୍ୱ ଦେଇଛନ୍ତି ।

ବାହାର ରାଜ୍ୟରୁ ଶ୍ରମିକ ମାନେ ଫେରିଲା ବେଳେ, ସେମାନଙ୍କର ଉତ୍ତମ ସ୍ୱାସ୍ଥ୍ୟ ସେବା ସହ ରହିବା ଖାଇବାରେ ଯେମିତି ଅସୁବିଧା ନହୁଏ ସେଥିପ୍ରତି ଦୃଷ୍ଟି ଦେଇ ବିଡ଼ିଓ, ଜିଲ୍ଲା ସ୍ତରୀୟ ଅଧିକାରୀ ମାନଙ୍କୁ ପରାମର୍ଶ ଦେଇଛନ୍ତି । କୋଭିଡ-19 ମୁକାବିଲାରେ ନୂଆପଡା ଜିଲ୍ଲା ପ୍ରସ୍ତୁତିରେ ପର୍ଯ୍ୟବେକ୍ଷକ ବେହେରା ସନ୍ତୋଷଜନକ ଥିବା କହିଛନ୍ତି ।

ନୂଆପଡାରୁ ମୋତିଲାଲ ବାଗ,ଇଟିଭି ଭାରତ