ନୂଆପଡା: ଆଜି ପବିତ୍ର ଶ୍ରାବଣ ମାସର ଶେଷ ସୋମବାର । ଶେଷ ସୋମବାରରେ ମହାଦେବଙ୍କ ମନ୍ଦିରରେ ଜଳାଭିଷେକ କରିବା ପାଇଁ ଲାଗିଛି କାଉଡିଆଙ୍କ ଭିଡ । କାଉଡିଆମାନେ ସାଧାରଣତଃ କାନ୍ଧରେ ପାଣିଭାର ନେଇ ଶିବଙ୍କ ପାଖକୁ ଯାଇଥାନ୍ତି । କିନ୍ତୁ ନୂଆପଡା କାପସି ଗାଁରେ କାଉଡିଆମାନେ ରାସ୍ତାରେ ଗଡିଗଡି ମନ୍ଦିରରେ ପହଞ୍ଚିଛନ୍ତି ।
ଶ୍ରାବଣ ଶେଷ ସୋମବାର: ରାସ୍ତାରେ ଗଡି ଗଡି ମନ୍ଦିରରେ ପହଞ୍ଚିଲେ କାଉଡିଆ
ଦୀର୍ଘ ଗୋଟିଏ କିଲୋମିଟର ରାସ୍ତାରେ ଗଡି ଗଡି ସିନାପାଲି ସ୍ଥିତ ବାବା ଚନ୍ଦ୍ରଶେଖର ଶିବ ମନ୍ଦିରରେ ପହଞ୍ଚି ଜଳାଭିଷେକ କରିଛନ୍ତି କାଉଡ଼ିଆ । ଶତାଧିକ ସଂଖ୍ୟାରେ କାଉଡ଼ିଆ ମାନେ କାପସି ନଦୀଘାଟରୁ ଜଳ ଉଠାଇ ମାନସିକ ପୂରଣ ପାଇଁ ରାସ୍ତାରେ ଗଡ଼ିଗଡ଼ି ଯିବାର ଦୃଶ୍ୟ ଦେଖିବାକୁ ମିଳିଛି । କାଉଡ଼ିଆଙ୍କୁ ଉତ୍ସାହିତ କରିବା ପାଇଁ ଘଣ୍ଟ, ଶଙ୍ଖ, ବାଜା ବଜାଇ ଗାଁ ଦାଣ୍ଡ କମ୍ପାଉଥିଲେ ସ୍ଥାନୀୟ ଲୋକେ ।