ଜମି ହିଡରୁ ନବଜାତ ଶିଶୁକନ୍ୟାର ଗଳିତ ମୃତଦେହ ଉଦ୍ଧାର

ନୂଆପଡା ଜ଼ିଲ୍ଲା ବୋଡେ଼ନ ଥାନା ଅନ୍ତର୍ଗତ ବୁଢ଼ାପଡା ଗ୍ରାମରେ ଦେଖିବାକୁ ମିଳିଛି ଏଭଳି ଘଟଣା ।

ନୂଆପଡା : ପୁଣି ଅଲୋଡା ହେଲା ଶିଶୁକନ୍ୟା । ଚାଷ ଜମି ହିଡରୁ ଉଦ୍ଧାର ହେଲା ନବଜାତ ଶିଶୁ କନ୍ୟାର ଗଳିତ ମୃତଦେହ । ନୂଆପଡା ଜ଼ିଲ୍ଲା ବୋଡେ଼ନ ଥାନା ଅନ୍ତର୍ଗତ ବୁଢ଼ାପଡା ଗ୍ରାମରେ ଦେଖିବାକୁ ମିଳିଛି ଏଭଳି ଘଟଣା । ତେବେ କେହିଜଣେ କୁମାରୀ ଶିଶୁକନ୍ୟାଟିକୁ ଜନ୍ମ ଦେବାପରେ ଲୋକଲଜ୍ୟାରେ ତାକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି ।

ସେପଟେ ଖବର ପାଇ ବୋଡେ଼ନ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଚଳାଇଛି । ନବଜାତ ଶିଶୁକୁ ଫିଙ୍ଗିଦେବାର ଗୋଟିଏ ସପ୍ତାହ ବିତି ଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ