ରାଜନୀତିରୁ ସନ୍ୟାସ, ନିର୍ବାଚନ ଲଢିବେନି ଭକ୍ତ

କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତ ଦାସ ଆଉ ଲଢିବେନି ନିର୍ବାଚନ । ରାଜନୀତିରୁ ସନ୍ୟାସ ନେବେ ବୋଲି ଦେଇଛନ୍ତି ସୂଚନା ।

ନୂଆପଡା: ମହାତ୍ମା ଗାନ୍ଧୀଙ୍କ 150 ତମ ଜନ୍ମ ଜୟନ୍ତୀ ଉପଲକ୍ଷେ ପଦଯାତ୍ରା କରିଛି ଜିଲ୍ଲା କଂଗ୍ରେସ । ମୁଖ୍ୟ ଅତିଥି ଭାବେ କାର୍ଯ୍ୟକ୍ରମରେ ଯୋଗଦେଇ ଏକ ବଡ଼ ସୂଚନା ଦେଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତ ଦାସ । ଆଗାମୀ ଦିନରେ ଆଉ ନିର୍ବାଚନ ଲଢିବେ ନାହିଁ ବୋଲି ଖୋଦ ନିଜେ କହିଛନ୍ତି ଭକ୍ତ ।

ନୂଆ ପିଢିକୁ ସୁଯୋଗ ଦେବି । ପଦ ପଦବୀର ପାଇଁ ଆଉ ଆଶାୟୀ ନୁହେଁ ବୋଲି କହିଛନ୍ତି ପୂର୍ବତନ ମନ୍ତ୍ରୀ । କଳାହାଣ୍ଡି ଲୋକସଭା ନିର୍ବାଚନମଣ୍ଡଳୀରେ 9 ଥର ନିର୍ବାଚନ ଲଢିଛନ୍ତି ଦାସ । ସେ ସୂଚନା ଦେଇ କହିଛନ୍ତି ନିର୍ବାଚନରେ 3 ଥର ବିଜୟୀ ହୋଇଛି । 6 ଥର ହାରିଛି । ଏବେ ନିର୍ବାଚନରୁ ଓହରି ଯୁବକ ମାନଙ୍କୁ ପ୍ରେରଣା ଦେବେ ବୋଲି କହିଛନ୍ତି ଭକ୍ତ ।

ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ