ବିଡିଓଙ୍କ କାର ଧକ୍କାରେ ସଫେଇ କର୍ମଚାରୀଙ୍କ ମୃତ୍ୟୁ ଅଭିଯୋଗ

କାର ଧକ୍କାରେ ସଫେଇ କର୍ମଚାରୀଙ୍କ ମୃତ୍ୟୁ । ସଫେଇ କର୍ମଚାରୀଙ୍କ ମୃତ୍ୟୁ ବିଡିଓଙ୍କ କାର ଧକ୍କାରେ ହୋଇଥିବା ନେଇ ଅଭିଯୋଗ ହୋଇଛି । ଅଧିକ ପଢ଼ନ୍ତୁ

ନୂଆପଡ଼ା : କାର ଧକ୍କାରେ ସଫେଇ କର୍ମଚାରୀଙ୍କ ମୃତ୍ୟୁ । ସଫେଇ କର୍ମଚାରୀଙ୍କ ମୃତ୍ୟୁ ବିଡିଓଙ୍କ କାର ଧକ୍କାରେ ହୋଇଥିବା ନେଇ ଅଭିଯୋଗ ହୋଇଛି । ଏଭଳି ଘଟଣା ଘଟିଛି ନୂଆପଡ଼ାରେ । ମୃତ ସଫେଇ କର୍ମଚାରୀ ଜଣଙ୍କ ହେଉଛନ୍ତି କୋମନା ଥାନା ଅନ୍ତର୍ଗତ ତରବୋଡ଼ ଗ୍ରାମର ଦିବାକର ଦୀପ ।

ସୂଚନାନୁସାରେ ନୂଆପଡା ଜିଲ୍ଲା କୋମନା BDO ସୁଶାନ୍ତ ରଣା କାର ଯୋଗେ ନୂଆପଡା ଅଭିମୁଖେ ଯାଉଥିଲେ । ସେହି ସମୟରେ ସଫେଇ କର୍ମଚାରୀ ଦିବାକର ଦୀପ 353 ଜାତୀୟ ରାଜପଥରେ ବିପରୀତ ଦିଗରୁ ସାଇକଲ ଯୋଗେ ଯାଉଥିଲେ । ଏହି ସମୟରେ BDO ସୁଶାନ୍ତଙ୍କ କାର୍ ଆସି ତାଙ୍କୁ ଧକ୍କା ଦେଇଥିଲା । ତେବେ ଦୁର୍ଘଟଣା ଘଟେଇବା ପରେ କାରଟି ଦୃତ ଗତିରେ ଚାଲି ଯାଇଥିଲା ।

ଏହି ଦୁର୍ଘଟଣାରେ ସଫେଇ କର୍ମଚାରୀ ଜଣକ ଗୁରୁତର ଭାବେ ଆହତ ହୋଇ ରାସ୍ତା କଡ଼କୁ ଛିଟିକି ପଡ଼ିଥିଲେ । ଏହାଦେଖି ସ୍ଥାନୀୟ ଲୋକେ ତୁରନ୍ତ ଘଟଣାସ୍ଥଳରେ ପହଞ୍ଚି ସଫେଇ କର୍ମଚାରୀଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ତରବୋଡ଼ ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ସମ୍ପର୍କରେ ଖବରପାଇ ପୋଲିସ ହସ୍ପିଟାଲରେ ପହଞ୍ଚି ତଦନ୍ତ ଆରମ୍ଭ କରିଛି ।

ଇଟିଭି ଭାରତ,ନୂଆପଡ଼ା