ନୂଆପଡା: ଜିଲ୍ଲା ପ୍ରମୁଖ ସହର ଐତିହାସିକ ରାଜ ଦରବାର ଠାରେ କଡା ସୁରକ୍ଷା ବଳରେ ଯୋଡି ଛତର ଯାତ୍ରା ସମ୍ପନ୍ନ ହୋଇଯାଇଛି । ଗଡଜାତ ଗଡରକ୍ଷକ ମାଆ ରକ୍ତାମ୍ବରି ଦେବୀଙ୍କ ଛତର ପ୍ରଥମେ ମନ୍ଦିର ବେଢାରୁ ବାହାରି ଖଡ଼ିଆଳ ଦରବାର ଭିତରକୁ ଯାଇ ରାଣୀ ସାହେବାଙ୍କ ଠାରୁ ପୂଜା ପାଇଛନ୍ତି ।
ନୂଆପଡା ଯୋଡି ଛତର ଯାତ୍ରା ସମ୍ପନ୍ନ
ପରେ ଖଡ଼ିଆଳ ଚୌହାନ ବଂଶୀୟ ଇଷ୍ଟଦେବୀ ମାଆ ସମ୍ବଲେଶ୍ବରୀଙ୍କ ଛତର ସିଂହଦ୍ବାର ସ୍ଥିତ ମନ୍ଦିର ବେଢାରୁ ବାହାରି ରାଣୀ ସାହେବାଙ୍କ ପାଖକୁ ଯାଇଥିଲେ । ନୀତିନିର୍ଘଣ୍ଟ ପରମ୍ପରାରେ ଆଧାରିତ ଉଭୟ ଦେବୀ ମା'ଙ୍କୁ ରାଣୀ ସାହେବା ପୂଜାର୍ଚ୍ଚନା କରିବା ପରେ ପୂର୍ବ ବର୍ଷ ଭଳି ଚଳିତ ବର୍ଷ ନଗର ପରିକ୍ରମା ନକରିବାକୁ ଦେବୀ ଦ୍ବୟଙ୍କୁ ବୁଝାଇଥିଲେ ।