ସୋସିଆଲ ମିଡିଆରେ ହିନ୍ଦୁ ବିରୋଧୀ ପୋଷ୍ଟ, କାର୍ଯ୍ୟାନୁଷ୍ଠାନ ଦାବିରେ ଉତ୍ତେଜନା

ସୋସିଆଲ ମିଡିଆରେ ହିନ୍ଦୁ ଧର୍ମ ବିରୋଧି ପୋଷ୍ଟକୁ ନେଇ ଉତ୍ତେଜନା । ଥାନାରେ ଏତଲା ସହ ଥାନା ଘେରାଉ କଲେ ଉତ୍ୟକ୍ତଲୋକେ । ଏହାକୁ ନେଇ ନୂଆପଡା ଖଡିଆଳରେ ଉତ୍ତେଜନା ଦେଖିବାକୁ ମିଳିଛି ।

ନୂଆପଡା: ଖଡ଼ିଆଳ ହିନ୍ଦୁ ଧର୍ମର ଅପମାନକୁ ନେଇ ସହରରେ ଚାପା ଉତ୍ତେଜନା ଦେଖାଦେଇଛି । ଜଣେ ସଂଖ୍ୟାଲଘୁ ସଂପ୍ରଦାୟର ଯୁବକ ହିନ୍ଦୁ ଧର୍ମ ବିରୋଧି ଏକ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଯାହାକୁ ନେଇ ଥାନାରେ ଲିଖିତ ଅଭିଯୋଗ କରିବା ସହ ଥାନା ଘେରାଉ କରିଥିଲେ ହିନ୍ଦୁ ସମାଜ କାର୍ଯ୍ୟକର୍ତ୍ତା । ଖଡ଼ିଆଳ ଥାନା SDPOଙ୍କ ପାଖରେ ଲିଖିତ ଅଭିଯୋଗ ଦେବା ସହ nac କାର୍ଯ୍ୟାଳୟ ପରିସରରେ ବିଭିନ ସ୍ଲୋଗାନ ଦେଇ ନାରାବାଜି କରିଛନ୍ତି ଉତ୍ତ୍ୟକ୍ତ ଲୋକ ।

ସୂଚନା ମତେ ଖଡ଼ିଆଳ ସହର ସ୍ଥିତ ୱାର୍ଡ ନମ୍ବର 8ର ଜଣେ ସଂଖ୍ୟାଲଘୁ ସଂପ୍ରଦାୟର ଯୁବକ ହିନ୍ଦୁ ବିରୋଧି ଏକ ଭିଡିଓ ଜାରି କରିଥିଲେ । ଯାହାକି ଲୋକଙ୍କ ଧର୍ମୀୟ ଭାବାବେଗକୁ ଆଘାତ ପହଞ୍ଚାଇଥିଲା ବୋଲି ଅଭିଯୋଗ ହୋଇଥିଲା । ଭାରତ ଏକ ଧର୍ମ ନିରପେକ୍ଷ ରାଷ୍ଟ୍ର ହୋଇଥିବାବେଳେ, ଜାତି, ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତ ଲୋକ ବାସ କରିବାର ଅଧିକାର ରହିଛି । ଏହାସହ ସବୁଧର୍ମକୁ ସମାନ ଅଧିକାର ସହ ସମ୍ମାନ ଦେବା ସମସ୍ତ ଭାରତୀୟଙ୍କ କର୍ତ୍ତବ୍ୟ । କୌଣସି ଧର୍ମର ଅପମାନ କରାଯିବା ଉଚିତ୍‌ ନୁହେଁ କହିବା ଉକ୍ତ ଯୁବକଙ୍କ ବିରୋଧରେ କଡା କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ହିନ୍ଦୁ ସମାଜ ସହ ବିଭିନ୍ନ ହିନ୍ଦୁ ସଂଗଠନ ଦାବି କରିଛି ।

ହିନ୍ଦୁ ସମାଜ ସଦସ୍ୟ ଗୌରବ ସିଂ ବାରିକ କହିଛନ୍ତି, ‘‘ସବୁ ଧର୍ମକୁ ସମ୍ମାନ ଦେବା ଆମର କର୍ତ୍ତବ୍ୟ । ଆମେ ନିଜକୁ ଭାରତୀୟ ପରିଚୟ ଦେଉଥିବା ବେଳେ କୌଣସି ଧର୍ମକୁ ଇଙ୍ଗିତ କରି ଏକ ମହିଳାଙ୍କ ଅଶ୍ଳୀଳ ଭିଡିଓ ସୋସିଆଲ ମିଡିଆରେ ଭାଇରାଲ କରିବା ଏକ ଦଣ୍ଡନୀୟ ଅପରାଧ । ହିନ୍ଦୁ ଧର୍ମକୁ ଆକ୍ଷେପ କରି ଉକ୍ତ ଯୁବକ ଯେଉଁ କାର୍ଯ୍ୟ କରିଛନ୍ତି ତାହାକୁ ହିନ୍ଦୁ ସମାଜ ସହ ବିଭିନ୍ନ ହିନ୍ଦୁ ସଂଗଠନ କଡା ନିନ୍ଦା କରୁଛି । ଏପରି ଅପପ୍ରଚାର କରୁଥିବା ଯୁବକଙ୍କ ବିରୋଧରେ ଏତଲା ଦେବା ସହ ଦୃଢ କାର୍ଯ୍ୟାନୁଷ୍ଠାନ ଦାବି କରୁଛୁ ।’’

ଖଡିଆଳ SDPO ଅରୂପ ଅଭିଶେକ ବେହେରା କରିଛନ୍ତି, ‘‘ସମ୍ପୃକ୍ତ ଯୁବକଙ୍କୁ ତୁରନ୍ତ ଗିରଫ କରି ଦୃଢ କାର୍ଯ୍ୟାନୁଷ୍ଠାନ ପାଇଁ ଥାନାରେ ଅଭିଯୋଗ କରାଯାଇଛି । ଘଟଣାର ସତ୍ୟତାକୁ ନେଇ ତଦନ୍ତ କରାଯିବ । ତଦନ୍ତକରୀ ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।’’

ଇଟିଭି ଭାରତ, ନୂଆପଡା