ନୂଆପଡା: ଖଡ଼ିଆଳ ଥାନା ଛକ ନିକଟରେ ରବିବାର ଏକ ବାଛୁରୀକୁ ଅଜଣା ଗାଡି ଧକ୍କା ଦେଇଛି । ବାଛୁରୀଟି ରକ୍ତାକ୍ତ ଅବସ୍ଥାରେ ରାସ୍ତାରେ ପଡିଥିବା ବେଳେ ଖଡ଼ିଆଳ ସମଲେଇ ସେନା ଅଧ୍ୟକ୍ଷ ପ୍ରଦୀପ କୁମାର ଢିଣ୍ଡିଆ ଓ ତାଙ୍କ ଟିମ ପକ୍ଷରୁ ଆହତ ବାଛୁରୀକୁ ପ୍ରାଣୀ ଚିକିତ୍ସକଙ୍କ ସହାୟତାରେ ଆଶୁ ଚିକିତ୍ସା ଯୋଗାଇ ଦେଇଥିବା ସୂଚନା ମିଳିଛି ।
ଜିଲ୍ଲାରେ ଅସୁରକ୍ଷିତ ପଶୁ
ମିଳିଥିବା ସୂଚନା ମୁତାବକ, ଖଡ଼ିଆଳ ଥାନା ନିକଟରେ ଏକ ବାଛୁରୀକୁ ଅଜଣା ଗାଡି ଧକ୍କା ଦେଇଥିଲା । ଗୋଡ଼ରେ ଶକ୍ତ ଆଘାତ ଲାଗିଥିବାରୁ ପ୍ରବଳ ରକ୍ତସ୍ରାବ ହେଉଥିଲା । ଆହତ ବାଛୁରୀଟି ଯନ୍ତ୍ରାଣରେ କ୍ଷତାକ୍ତ ଅବସ୍ଥାରେ ରାସ୍ତାରେ ପଡି ଛଟପଟ ହେଉଥିଲା । ତେବେ ପଥଚାରୀମାନେ ଘଟଣାକୁ ସ୍ଵଚକ୍ଷୁରେ ଦେଖି ଚାଲି ଯାଉଥିବାବେଳେ ବାଛୁରୀଟି ଜୀବନ ମରଣ ସହ ସଂଗ୍ରାମ କରୁଥିଲା ।