ନୂଆପଡା: ଜିଲ୍ଲାରେ ଛଟେଇ ହୋଇଥିବା 135 ଜଣ AIE ଶିକ୍ଷା ସ୍ବେଛାସେବୀ ଶିକ୍ଷକ ମାନଙ୍କୁ ଗଣଶିକ୍ଷକ ଭାବରେ ନିଯୁକ୍ତି ଦାବି । ଏନେଇ ନୂଆପଡା ଜିଲ୍ଲାପାଳଙ୍କୁ AIE ଶିକ୍ଷକ ସଂଘ ସାକ୍ଷାତ କରି ଦାବିପତ୍ର ଦେଇଛନ୍ତି ।
ଗଣଶିକ୍ଷକ ପାଇଁ ଦାବି କଲେ 'ବିକଳ୍ପ ଅଭିନବ ଶିକ୍ଷା'ର ସ୍ବେଛାସେବୀ ଶିକ୍ଷକ
ସୂଚନାଥାଉକି 2002/2003 ଶିକ୍ଷା ବର୍ଷ ଜିଲ୍ଲା ପ୍ରାଥମିକ ଶିକ୍ଷା କାର୍ଯ୍ୟକ୍ରମ (DPEP)ରେ ବିକଳ୍ପ ଅଭିନବ ଶିକ୍ଷା(AIE) ରାଜ୍ୟ ସରକାରଙ୍କ ଦ୍ଵାରା ନୂଆପଡା ଜିଲ୍ଲାରେ ଆରମ୍ଭ ହୋଇଥିଲା । ଯେଉଁଥିରେ କି 6 ରୁ 14 ବର୍ଷର ଡ୍ରପ ଆଉଟ ଛାତ୍ରଛାତ୍ରୀ EGS, AIE ଶିକ୍ଷା କେନ୍ଦ୍ରରେ ପାଠପଢିବାର ନିୟମ କରିଥିଲେ ସରକାର । ପରବର୍ତ୍ତୀ ସମୟରେ ସରକାର EGS ଶିକ୍ଷକ ମାନଙ୍କୁ ଗଣଶିକ୍ଷକ ମାନ୍ୟତା ଦେଇଛନ୍ତି । କିନ୍ତୁ ଅତ୍ୟନ୍ତ ପରିତାପର ବିଷୟ ବିକଳ୍ପ ଅଭିନବ ଶିକ୍ଷା (AIE) ଶିକ୍ଷକ ମାନଙ୍କୁ ସରକାର ଛଟେଇ କରିଛନ୍ତି ।