ନୂଆପଡା: ଫେରନ୍ତା ପ୍ରବାସୀ ଓଡିଆ ଶ୍ରମିକଙ୍କୁ ଅଧିକ ଟଙ୍କାର ପ୍ରଲୋଭନ ଦେଖାଇ ପୁଣି ରାଜ୍ୟବାହାରକୁ ଚାଲାଣ କରୁଥିବା ଘଟଣା ଏବେ ସାମ୍ନାକୁ ଆସିଛି । ନୂଆପଡା ଜିଲ୍ଲା ବୋଡେନ ବ୍ଲକ ଫରସରା ଗ୍ରାମପଞ୍ଚାୟତସ୍ଥିତ ତାରାପୁର, ରୋକାଲ, ସର୍ଗିଗୁଡା ଗାଁରେ ଏହି ଘଟଣା ଦେଖିବାକୁ ମିଳିଛି ।
ଦଲାଲଙ୍କ ପ୍ରଲୋଭନର ଶିକାର ପ୍ରବାସୀ ଶ୍ରମିକ, ରାଜ୍ୟ ବାହାରକୁ ହେଉଛନ୍ତି ଚାଲାଣ
ସ୍ଥାନୀୟ ଯୁବ ସରପଞ୍ଚ ରାଜକିଶୋର ହେର୍ନାଙ୍କ ହସ୍ତକ୍ଷେପ ପରେ ଶ୍ରମିକ ଦଲାଲ ଜଣକ ସରପଞ୍ଚଙ୍କୁ ଧମକ ଦେଇ ଚାଲିଯାଇଛନ୍ତି । ଦଲାଲ ଶ୍ରମିକ ଜଣଙ୍କ ସରପଞ୍ଚକୁ ନାଲି ଆଖି ଦେଖାଇ କିଛି ଏପରି କହିଛନ୍ତି, ମୋତେ ଚ୍ୟାଲେଞ୍ଜ କରିବେ ନାହିଁ, ଆଉ ଯଦି ଚ୍ୟାଲେଞ୍ଜ କରିବେ ତେବେ ଶ୍ରମିକ ନେବି । କିଏ ମୋତେ ଅଟକାଇ ପାରିବେ ନାହିଁ । ଏଭଳି କିଛି ଚେତାବନୀ ପୂର୍ଣ୍ଣ ଧମକ ଚମକ ଦେଇ ଚାଲିଯାଇଛନ୍ତି ଦଲାଲ ଶ୍ରମିକ ।