ନୂଆପଡା: ଖଡ଼ିଆଳ ଥାନା ଲଚ୍ଛିପୁର ଗାଁଠାରେ ମର୍ମନ୍ତୁଦ ସଡକ ଦୁର୍ଘଟଣା । ସ୍କର୍ପିଓ ଧକ୍କାରେ ଜଣେ ବାଇକ ଆରୋହୀଙ୍କର ମୃତ୍ୟୁ ହୋଇଯାଇଛି । ମୃତ ବାଇକ ଆରୋହୀ ଖଡ଼ିଆଳ ଥାନା ବଡ଼ଦୋହେଲ ଗାଁର ଚନ ସଗରିଆ ବୋଲି ଜଣାପଡିଛି ।
ସ୍କର୍ପିଓ ଧକ୍କାରେ ବାଇକ ଆରୋହୀ ମୃତ, ଗାମବାସୀଙ୍କ ରାସ୍ତା ଅବରୋଧ
ରବିବାର ଖଡ଼ିଆଳ ଭବାନୀପାଟଣା ମୁଖ୍ୟ ରାସ୍ତା ଉପରେ ଏକ ସ୍କର୍ପିଓ ଗାଡି ଦ୍ରୁତ ଗତିରେ ଆସି ବାଇକକୁ ଧକ୍କା ଦେଇଥିଲା । ବାଇକ ଆରୋହୀ ଚନ ସଗରିଆଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ବୁର୍ଲା ସ୍ଥାନାନ୍ତର କରାଯାଇଥିଲା । ହେଲେ ବୁର୍ଲା ପହଞ୍ଚିବା ପୂର୍ବରୁ ବାଟରେ ତାଙ୍କର ମୃତ୍ୟୁ ହୋଇଯାଇଛି ।