ନଦୀରେ ବୁଡି ନାବାଳକ ମୃତ

ଖଡିଆଳ ବ୍ଲକ ଚାନ୍ଦେଲ ଗାଁରେ ଅଘଟଣ । ନଦୀରେ ବୁଡି ନାବାଳକ ମୃତ । ମୃତ ହେଲେ 13 ବର୍ଷୀୟ ଡୋଲେଶ ଦଣ୍ଡସେନା । ଅଧିକ ପଢନ୍ତୁ...

ନୂଆପଡା: ନଦୀରେ ବୁଡି ନାବାଳକ ମୃତ । ଘଟଣା ଘଟିଛି ଖଡିଆଳ ବ୍ଲକ ଚାନ୍ଦେଲ ଗାଁରେ । ମୃତ ନାବାଳକ ଚାନ୍ଦେଲ ଗାଁର କୀର୍ତ୍ତନ ଦଣ୍ଡସେନାଙ୍କ 13 ବର୍ଷୀୟ ପୁଅ ଡୋଲେଶ ଦଣ୍ଡସେନା ।

ସୂଚନାନୁଯାୟୀ, ଡୋଲେଶ ନିଜ 2 ଜଣ ସାଙ୍ଗଙ୍କ ସହ ନିକଟସ୍ଥ ସୁନ୍ଦର ନଦୀ ତୁକୁଳା ବ୍ରିଜ ପାଖକୁ ଗାଧୋଇବାକୁ ଯାଇଥିଲା । ହେଲେ ପାଣିର ସ୍ରୋତ ପ୍ରଖର ଥିବାରୁ ସେ ଗାଧୋଇବା ବେଳେ ଭାସିଯାଇଥିଲା । ସାଙ୍ଗରେ ଥିବା ତାଙ୍କର 2 ଜଣ ବନ୍ଧୁ ସ୍ଥାନୀୟ ଲୋକଙ୍କୁ ଚିତ୍କାର କରି ଡାକିବାରୁ ଘଟଣା ଜଣାପଡ଼ିଥିଲା । ହେଲେ ସେତେବେଳକୁ ଡୋଲେଶ ପାଣିରେ ନିଖୋଜ ହୋଇଯାଇଥିଲା । ପରେ ଖବର ପାଇଁ ଖଡ଼ିଆଳ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଡୋଲେଶଙ୍କ ମୃତଦେହକୁ ନଦୀରୁ ଖୋଜି ବାହାର କରିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ