ନୂଆପଡା: ଜିଲ୍ଲା ଆରକ୍ଷୀ ଅଧୀକ୍ଷକ ରାହୁଲ ଜୈନଙ୍କ ଅଧ୍ୟକ୍ଷତାରେ ଗୁରୁବାର ଗଣମାଧ୍ୟମ ପ୍ରତିନିଧି ଏବଂ ପୋଲିସ ପ୍ରଶାସନର ମିଳିତ ସମନ୍ବିୟ ବୈଠକ ଏସପିଙ୍କ ସଭାଗୃହ ଠାରେ ଅନୁଷ୍ଠିତ ହୋଇଯାଇଛି । ବୈଠକରେ ଜିଲ୍ଲାର ସାମୁଦ୍ରିକ ସର୍ବାଙ୍ଗୀନ ବିକାଶ ଦିଗରେ ବିଷଦ ଆଲୋଚନା କରାଯାଇଛି । ଜିଲ୍ଲାର ବିଭିନ୍ନ ସମସ୍ୟାର ସମାଧାନ ପାଇଁ ଗଣମାଧ୍ୟମ ପ୍ରତିନିଧି ଓ ପୋଲିସ ପ୍ରଶାସନ ମିଳିତ ଭାବେ କାର୍ଯ୍ୟ କରିବା ଉଚିତ ବୋଲି ଏସପି ମନ୍ତବ୍ୟ ରଖିଛନ୍ତି ।
ମହାମାରୀ କୋଭିଡ ନିୟନ୍ତ୍ରଣ କିପରି କରାଯାଇ ପାରିବ, କ୍ରାଇମ କଣ୍ଟ୍ରୋଲ ଏବଂ ଆଇନ ଶୃଙ୍ଖଳା ଟ୍ରାଫିକ ନିୟନ୍ତ୍ରଣ ଉପରେ ବୈଠକରେ ଆଲୋଚନା ହୋଇଛି । ସେହିଭଳି ଜିଲ୍ଲାରେ ବାଇକ ଚାଳକମାନେ ହେଲମେଟ ଓ ମାସ୍କ ବ୍ୟବହାର କରିବା, ଦାଦନ ଶ୍ରମିକ ଚାଲାଣ ରୋକିବା, ନାରୀ ନିର୍ଯ୍ୟାତନା, ଶିଶୁ ଶ୍ରମିକ, ଅପହରଣ, ବଧୂ ହତ୍ୟା ଏବଂ ଜୁଆ ସଟା ଭଳି ଅସାମାଜିକ କାର୍ଯ୍ୟକଳାପର କିଭଳି ସମାଧାନ ହୋଇପାରିବ ସେନେଇ ମଧ୍ୟ ବୈଠକରେ ଚର୍ଚ୍ଚା ହୋଇଛି । ଏହାସହ ଗଣମାଧ୍ୟମ ପ୍ରତିନିଧି ଏବଂ ପୋଲିସ ପ୍ରାଶାସନ ସମନ୍ବୟ ରକ୍ଷା କରି କାମ କରିବା ପାଇଁ ଆଲୋଚନା କରାଯାଇଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
TAGGED:
police press meeting