ନୂଆପଡା: ସିନାପାଲି ବନ ବିଭାଗକୁ ବଡ ସଫଳତା । ମୂଲ୍ୟବାନ ଶାଗୁଆନ କାଠ ବୋଝେଇ ଅଟୋ ଭ୍ୟାନ ସହ 2 ଜଣ କାଠ ମାଫିଆଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଗୋଡାଲ ଗାଁର ନୀଳକଣ୍ଠ ନାଏକ ଓ ଚଟିଆଗୁଡା ଗାଁର ମୁକେଶ ସା ।
ଭିଡିଓ ସୌଜନ୍ୟ :ପ୍ରତିନିଧି, ନୂଆପଡା
ସୂଚନାନୁସାରେ ଆଜି ସକାଳ 5ଟାରେ ନୀଳକଣ୍ଠ ନାଏକ ଏବଂ ତାଙ୍କ ସହଯୋଗୀ ମୁକେଶ ସା ମିଶି ମୂଲ୍ୟବାନ ଶାଗୁଆନ କାଠ ଏକ ଅଟୋ ଭ୍ୟାନ ଯୋଗେ ଚାଲାଣ କରୁଥିଲେ । ଏନେଇ ସିନାପାଲି ବନବିଭାଗକୁ ବିଶ୍ବସ୍ତ ସୂତ୍ରରୁ ଖବର ମିଳିଥିଲା । ଖବର ପାଇବା ପରେ ବନବିଭାଗ ରେଞ୍ଜର ମୁରାରୀ ପଣ୍ଡାଙ୍କ ନେତୃତ୍ବରେ ସ୍ବତନ୍ତ୍ର ସ୍କ୍ବାର୍ଡ ଗଠନ କରାଯାଇଥିଲା । ଏହି ଟିମ୍ ମାଓ ପ୍ରବଣ ଅଞ୍ଚଳ ଫୁଲଚି ଘାଟିରେ ଅତର୍କିତ ଚଢାଉ କରିଥିଲେ ।